IPLIN
 

અમૃતસર: નિરંકારી ભવનમાં બોમ્બ બ્લાસ્ટ 3 લોકોના મોત 15 ઘાયલ બોર્ડર સીલ

Team VTV 02:32 PM, 18 Nov 18 | Updated: 07:12 PM, 30 Mar 19
Follow us
blast-at-nirankari-bhawan-in-amritsar
પંજાબના અમૃતસરના રાજાઝાંસી વિસ્તારમાં આવેલા ધાર્મિક ડેરામાં બ્લાસ્ટ થયો. બ્લાસ્ટ થતા 3 નાગરિકોનાં મોત થયા છે અને 10 જેટલા પોલીસકર્મી પણ ઈજાગ્રસ્ત થયા છે. તમામ ઈજાગ્રસ્તોને સારવાર માટે હોસ્પિટલ ખસેડાયા છે. સ્થાનિકોના જણાવ્યા મુજબ હુમલાખોરોએ ફાયરિંગ પણ કર્યું છે.
  ફાયરિંગમાં એક વ્યક્તિને ઈજા પણ થઈ છે. કેટલાક લોકોએ ધાર્મિક ડેરા પર ગ્રેનેડ અટેક કર્યો અને ત્યાંથી ફરાર થયા. નિરંકારી ડેરા પર આ વિસ્ફોટક પદાર્થ ફેંકીને બ્લાસ્ટ કરવમાં આવ્યો છે. બાઈક પર આવેલા 2 અજાણ્યા શખ્સોએ ગ્રેનેડ અટેક કર્યો હોવાનું સામે આવ્યું છે. 

બાઈક પર આવેલા આ બંને અજાણ્યા શખ્સોએ પોતાના ચહેરા પર નકાબ પણ બાંધ્યા હોવાથી તેઓની ઓળખ થઈ નથી. પણ હુમલાખોરોને ઝડપી પાડવા પોલીસે પોતાના ચક્રો ગતિમાન કર્યા છે. તો ઘટના બાદ રાજસ્થાન બોર્ડર પણ સીલ કરવામાં આવી છે. 
  ઉલ્લેખનીય છે કે ત્રણેક દિવસ અગાઉ ગુપ્તચર એજન્સીએ પંજાબ પોલીસને પણ એલર્ટ કરી હતી. કારણકે જમ્મૂથી પઠાણકોટ જતા ચાર સંદિગ્ધો કાર લઈને ફરાર થયા હતા અને તેના સીસીટીવી ફૂટેજ પણ સામે આવ્યા હતા.
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ