ચૂંટણી / વોટતંત્રમાં બ્લેકમનીની બોલબાલા! 3 હજાર કરોડથી વધુનું કાળુંનાણું જપ્ત

સમગ્ર દેશમાં બ્લેકમનીથી લઇને ડ્રગ્સ સુધીનો મોટાપ્રમાણમાં ઉપયોગ ચૂંટણીમાં થઇ રહ્યો છે અને સૌથી મોટી ચિંતા શરાબ અને ડ્રગનો વધી રહેલા ઉપયોગને લઇને છે. ચૂંટણી પંચ દ્વારા મળતી માહિતી મૂજબ 26 એપ્રિલ સુધી સમગ્ર દેશમાંથી 3 હજાર કરોડથી વધુનું કાળુંનાણું સહિતની અન્ય વસ્તુઓ જપ્ત કરાઇ છે.

તમને જણાવી દઇએ કે, જે-તે ઉમેદવારને પ્રચાર માટે 50થી 75 લાખ રૂપિયા ખર્ચ કરવાની અનુમતિ હોય છે, પરંતુ ખુદ ચૂંટણી પંચનું માનવું છે કે, અત્યાર સુધી કરોડો રૂપિયા જપ્ત કરાયા છે. જેને લઇ ફરી એકવાર સિસ્ટમની સમીક્ષા કરવાની જરૂર છે. મળતી માહિતી મુજબ 19 મે સુધી આ આંકડો 10 હજાર કરોડ સુધી જઇ શકે છે અને હાલ 2 હજાર કરોડ વધુ જપ્ત કરાયા છે જેને હજુ સુધી નોંધવાના બાકી છે.