ઈન્ફેક્શન / કોરોનાના દર્દીઓને થતાં Mucormycosisનું સ્ટીરોઈડ સાથે છે કનેક્શન, જાણો શું કહે છે AIIMSના ડોક્ટર

• સ્ટીરોયડના મિસયૂઝથી પણ ફંગલ ઈન્ફેક્શનનો ખતરો
• ઈન્ફેક્શનના કેસમાં થઈ રહ્યો છે વધારો
• સ્ટીરોઈડ્સના વધુ પડતા ઉપયોગથી વઘુ ખતરો 

કોરોનાના કહેરની વચ્ચે ફંગલ ઈન્ફેક્શનના કેસ સામે આવી રહ્યા છે. ફંગલ ઈન્ફેક્શન કોરોના દર્દીઓમાં વધુ જોવા મળી રહ્યું છે. એઈમ્સના ડાયરેક્ટર રણદીપ ગુલેરિયાએ કહ્યું કે ફંગલ ઈન્ફેક્શન પહેલા ખૂબ રેર હતું. આ એવા લોકોમાં જોવા મળતું હતું જેમનું શુગર લેવલ ખૂબ વધારે હોય. ડાયાબિટીઝ અનકંટ્રોલ છે. ઈમ્યૂનિટી ખૂબ ઓછી છે અથવા કેન્સરના એવા પેશન્ટ્સ છે જે કીમોથેરાપી પર છે. પરંતુ હવે તેના વધુ કેસ સામે આવી રહ્યા છે. તેની સાથે જ ડો ગુલેરિયાએ કહ્યું કે સ્ટીરાયડ્સનો વધુ પડતો ઉપયોગ કરવાથી બ્લેક ફંગલના મામલા સામે આવી રહ્યા છે. 

ફંગલ ઈન્ફેક્શનના કેસમાં વધારો 

Misuse of steroids is a major cause behind this infection (Mucormycosis). Chances of fungal infection increase in the patients who are diabetic, COVID positive & are taking steroids. To prevent it, we should stop the misuse of steroids: AIIMS Director Randeep Guleria pic.twitter.com/eCegiKET1x

— ANI (@ANI) May 15, 2021

ડો. ગુલેરિયાએ કહ્યું કે લોકોમાં સામાન્ય રીતે ફંગલ ઈન્ફેક્શન નથી જોવા મળતું પરંતુ કોરોનાના કારણે તેના કેસ ખૂબ વધી રહ્યા છે. એઈમ્સમાં જ ફંગલ ઈન્ફેક્શનના 23 કેસ આવ્યા છે. તેમાંથી 20 હજુ પણ કોરોના પોઝિટીવ છે અને 3 કોરોના નેગેટિવ છે. ઘણા રાજ્યો એવા છે જ્યાં ફંગલ ઈન્ફેક્શનના 400-500 કેસ છે. તેમણે જણાવ્યું કે ફંગલ ઈન્ફેક્શન આંખ, નાક, ગળા, ફેફસા પર થઈ શકે છે. તેનાથી આંખોની રોશની, નાકમાંથી બ્લડ અને જો ફેફસામાં પહોંચી ગયો તો છાતીમાં દુખાવો જેવા લક્ષણ જોવા મળે છે. 

સ્ટીરોઈડ્સથી વઘુ ખતરો 

ડો. ગુલેરિયાએ કહ્યું કે સ્ટીરોઈડ્સનો દુરઉપયોગ ફંગલ ઈન્ફેક્શનનું પ્રમુખ કારણ છે. ડાયાબિટીઝની સાથે કોરોના ઈન્ફેક્શનવાળા લોકોને જો સ્ટીરોઈડ આપવામાં આવે તો ફંગલ ઈન્ફેક્શનનો ખતરો વધી જાય છે. માટે સ્ટીરોયડનો મિસયુઝ ઓછો કરવો જોઈએ. માઈલ્ડ ઈન્ફેક્શન વાળા દર્દી અને એવા લોકોને જેમનું ઓક્સિજન લેવલ ઓછુ નથી. તેમને સ્ટીરોયડ આપવાથી ફાયદો ઓછો નુકશાન વધારે છે. 

As COVID-19 cases are increasing, it's of paramount importance that we follow protocols of infection control practices at hospitals. It is been seen that secondary infections -- fungal & bacterial -- are causing more mortality: AIIMS Director Randeep Guleria pic.twitter.com/xQ85pKFTNO

— ANI (@ANI) May 15, 2021

ક્યાં ક્યાં અટેક કરે છે બ્લેક ફંગસ? 

નિષ્ણાંતોએ જણાવ્યું કે કોવિડ બાદ બ્લેક ફંગસ અથવા મ્યૂકરમાઈકોસિસ લોકોને ઘેરી રહ્યો છે. આ રોગમાં કાળા રંગની ફંગસ નાક, સાઈનસ, આંખ અને મગજમાં ફેલાઈને તેને નષ્ટ કરી નાખે છે અને દર્દીઓનો જીવ જોખમમાં મુકાઈ જાય છે. 

મ્યુકોર્માઇકોસિસ રોગના લક્ષણો 

એક બાજુનો ચહેરો સોજી જવો
માથાનો દુઃખાવો
નાક બંધ થવું કે સાઇનસની તકલીફ
મોઢામાં તાળવે કે નાસિકાઓમાં કાળો ગઠ્ઠો જમા થવો અને તેમાં વધારો થવો
આંખમાં દુખાવો,દ્રષ્ટિ ઓછી થવી
તાવ, કફ, છાતીમાં દુઃખાવો
શ્વાસ રૂંધાવો, પેટનો દુખાવો 
ઉબકા આવવા કે ઉલટી થવી 
આંતરડામાં રક્તસ્ત્રાવ થવો ,જેવા લક્ષણો જોવા મળે છે

કેવી રીતે આ રોગથી બચી શકાય છે?

મ્યુકોર્માઇકોસિસથી બચવા N95 માસ્ક પહેરવું 
વધુ પડતી ધૂળ સાથેનો સંસર્ગ ટાળવો
ત્વચા પર લાગેલો ઘા તરત જ સાબુ-પાણીથી સાફ કરવો

દેશમાં ઘટી રહ્યું છે કોરોના સંક્રમણ 

દેશમાં થોડા દિવસથી કોરોના સંક્રમણના કેસોમાં ઘટાડો જોવા મળ્યો છે. શુક્રવારે દેશમાં કોરોના સંક્રમણના 3,36,332 નવા કેસ સામે આવ્યા છે. ત્યાં જ મહામારીમાં મૃત્યુ પામનાર લોકોની સંખ્યા 3883 રહી. રાહતની વાત એ છે કે આ અઠવાડિયે કોરોનાના દરરોજના કેસની સંખ્યા 3.5 લાખને પાર રહી છે. બુધવારે કોરોના કેસની સંખ્યા 3.62 હતી. મહારાષ્ટ્ર, દિલ્હી, કેરળ સહિત ઘણા અન્ય રાજ્યોમાં કોરોનાના કેસમાં સતત ઘટાડો જોવા મળી રહ્યો છે.