મ્યૂકરમાઈકોસિસને બ્લેક ફંગસના નામે પણ ઓળખવામાં આવે છે. કોરોનાના દર્દીને સ્ટીરોઈડ આપવાના કારણે આ રોગ થાય છે. હાલમાં દેશમાં અનેક રાજ્યોમાં આ કેસ વધતા ડોક્ટર્સની ચિંતા વધી છે.
દેશમાં કોરોના બાદ વધ્યો બ્લેક ફંગસનો ખતરો
ડોક્ટર્સે વ્યક્ત કરી નવી બીમારીને લઈને ચિંતા
આ શહેરોમાં જોવા મળી રહ્યા છે મ્યુકરમાઈકોસિસના કેસ
દેશમાં કોરોના વાયરસના દર્દીમાં બ્લેક ફંગસનો ખતરો એટલે કે મ્યુકરમાઈકોસિસે ડોક્ટર્સની ચિંતા વધારી છે. એમ્સના ડાયરેક્ટરે કહ્યું છે કે બ્લેક ફંગસના કેસ આવનારા સમયમાં ચિંતા વધારી શકે છે. દેશના ડોક્ટરોએ આ બીમારી સામે લડવા તૈયાર રહેવું પડશે. બ્લેક ફંગસ અને મ્યૂકરમાઈકોસિસના કારણે આંખને નુકસાન થાય છે અને સાથે આ બીમારીના 50 ટકા દર્દીઓના મોત થાય છે. જાણો શું છે આ બીમારીના ખાસ લક્ષણો.
મ્યુકરમાઈકોસિસના લક્ષણો
આ બીમારીમાં આંખ અને નાકની પાસેની સ્કીન લાલ થાય છે. તાવ, માથુ દુઃખવું, ખાંસી, શ્વાસ લેવામાં સમસ્યા, લોહીની ઉલ્ટી,માનસિક સ્થિતિમાં ફેરફાર પણ જોવા મળી શકે છે. ડાયાબિટિસના દર્દી અને નબળી ઈમ્યુન સિસ્ટમ ધરાવતા લોકોએ ખાસ ધ્યાન રાખવાની જરૂર છે. કોરોના રિકવર પેશન્ટમાં નાકમાં સોજા, ચહેરાની એક તરફ દર્દ, નાકી રેખા પર કાળાશ, દર્દ, ધૂંધળું દેખાવવું વગેરે સમસ્યા જોવા મળે છે.
ગુજરાત
ગુજરાતમાં પણ બ્લેક ફંગસના કેસ વધી રહ્યા છે. અહીં સરકારી હોસ્પિટલમાં 500થી વધુ કેસ આવ્યા છે. અહીં આ માટે સ્પેશ્યિલ વોર્ડ બનાવવામાં આવ્યા છે.
મહારાષ્ટ્ર
અહીં કોરોના બાદ દુર્લભ અને ગંભીર ફંગલ ઈન્ફેક્શનના કારણે મ્યૂકરમાઈકોસિસના 52 લોકોના મોત થયા છે. પુણેમાં આ રોગના 270 કેસ આવી ચૂક્યા છે. સ્વાસ્થ્ય મંત્રીએ કહ્યું કે રાજ્યમાં 2000થી વધારે દર્દીઓ આ બીમારીનો શિકાર હોઈ શકે છે.
યૂપી
અહીં કોરોના મહામારી બાદ બ્લેક ફંગસની બીમારીએ દસ્તક આપી છે. મેરઠ અને લખનઉમાં દર્દી મળી રહ્યા છે. સરકારે આ બીમારી સામે લડવા 12 ડોક્ટરની સ્પેશ્યિલ ટીમ બનાવી છે.
એમપી
મધ્યપ્રદેશમાં કોરોનાથી વધારે ખતરો બ્લેક ફંગસનો જોવા મળી રહ્યો છે. ભોપાલમાં બનેલા કોરોના કંટ્રોલ રૂમમાં રોજ 200 કોલ બ્લેક ફંગસ સંબંધિત આવી રહ્યા છે.
બિહાર
શનિવારે સાંજ સુધીની વાત કરીએ તો અહીં કુલ 30 કેસ બ્લેક ફંગસના મળ્યા છે. તેમાં પટના એમ્સમાં પેશન્ટ એડમિટ છે તો સાથે પટના, નેઉરા, આરા, બક્સર, નવાદા, મુઝફ્ફરપુર, ઔરંગાબાદના લોકો સામેલ છે.
રાજસ્થાન
જોધપુર એમ્સમાં રોજ 2 બ્લેક ફંગસ દર્દીનું ઓપરેશન થાય છે. અહીં 50 લોકોના સંક્રમિત હોવાની માહિતિ મળી રહી છે.
હરિયાણા
અહીં કોરોના બાદ બ્લેક ફંગસનો ખતરો વધી રહ્યો છે. સિરસામાં પણ બ્લેક ફંગસના 7 દર્દીઓ મળ્યા છે. જેમની ખાનગી હોસ્પિટલમાં સારવાર ચાલી રહી છે.