એમ્સ ડિરેક્ટર રણદીપ ગુલેરિયાએ જણાવ્યું કે બ્લેક ફંગસ કોરોનાની જેમ એક વ્યક્તિમાંથી બીજા વ્યક્તિમાં ફેલાતો નથી.
એમ્સ ડિરેક્ટર રણદીપ ગુલેરિયાએ જણાવ્યું સ્પર્થથી નથી ફેલાતું બ્લેક ફંગસ
કોરોનાની જેમ એક વ્યક્તિમાંથી બીજા વ્યક્તિમાં નથી ફેલાતો
ડાયાબિટીસથી પીડિત લોકોને બ્લેક ફંગસનો વધારે ખતરો
રણદીપ ગુલેરિયાએ જણાવ્યું કે બ્લેક ફંગસ ચેપી રોગ નથી. કોરોનામાંથી સાજા થનાર અને ડાયાબિટીસથી પીડિત લોકોને ફંગલ ઈન્કેશનનો ખતરો વધારે રહેતો હોય છે
એમ્સ ડિરેક્ટર ગુલેરિયાએ જણાવ્યું કે બ્લેક ફંગસના કેસો ઝડપી ગતિએ વધી રહ્યાં છે તેથી તેની ઉપેક્ષા ભારે પડશે. આ બીમારીની જલદીથી સારવાર કરાવવી ફાયદામાં રહે છે. તેમણે કહ્યું કે કોરોનાની જેમ બ્લેક ફંગસ એક વ્યક્તિમાંથી બીજા વ્યક્તિમાં ફેલાતી બીમારી નથી.
ત્રીજી લહેરમાં બાળકો સુરક્ષિત રહેશે
ગુલેરિયાએ જણાવ્યું કે કોરોનાની પહેલી અને બીજી લહેરમાં બાળકોમાં ઓછા પ્રમાણમાં સંક્રમણ ફેલાયું છે તેથી હાલ પુરતું તો એવું નથી લાગતું કે ભવિષ્યમાં જ્યારે પણ કોવિડની ત્રીજી લહેરમાં બાળકોમાં કોરોના સંક્રમણ ફેલાય.
રણદીપ ગુલેરિયાએ જણાવ્યું કે કોરોના કરતા બ્લેક ફંગસનો મૃત્યુ દર ઘણો વધારે છે. તેમણે કહ્યું કે બ્લેક ફંગસ ચેપી નથી એટલે કે તે સ્પર્શથી ફેલાતો નથી.
બ્લેક ફંગસનું કેવી રીતે નિદાન કરવું
ડોક્ટર ગુલેરિયાએ જણાવ્યું કે જેમને પણ ડાયાબિટીસની બીમારી છે તેમણે સતત સુગર ચેક કરતા રહેવું જોઈએ. જો તમે કોવિડ પોઝિટીવ હોય તો ડોક્ટરની સલાહ પ્રમાણે સ્ટેરોઈડ લેવા જોઈએ.
બ્લેક ફંગસથી કેટલી સાવધાની રાખવી
ગુલેરિયાએ જણાવ્યું કે જો સમય પર બ્લેક ફંગસના દર્દીઓને સારવાર ન મળે તો તે શરીરમાં ફેલાઈ જાય છે. કોરોના કરતા બ્લેક ફંગસનો મૃત્યુદર ઘણો વધારે છે. બીજી લહેરમાં ડરને કારણએ લોકોએ વધારે સ્ટેરોયડ લઈ લીધા. આને કારણે દેશમાં બ્લેક ફંગસના કેસો વધ્યાં છે.
સિલન્ડરમાંથી સીધો ઠંડો ઓક્સિજન લેવો દર્દીઓ માટે ઘણો ખતરનાક સાબિત થઈ શકે છે
તેમણે કહ્યું કે બ્લેક ફંગસ થવા પાછળના મુખ્ય કારણ અનિયંત્રિત ડાયાબિટીસ, સારવાર દરમિયાન ટોસિલિઝુમેબની સાથે સ્ટેરોઈડનો યોગ્ય રીતે ઉપયોગ ન કરવો. વેન્ટિલેશન પર રહેનાર દર્દી અને સપ્લીમેન્ટ ઓક્સિજન લેવા તે છે. કોરોનાની સારવારના છ અઠવાડિયાની અંદર જો આમાના કોઈ કારણ હોય તો દર્દીને બ્લેક ફંગસ થવાનો સૌથી વધારે ખતરો રહેતો હોય છે. તેમણે એવી પણ ચેતવણી આપી કે સિલન્ડરમાંથી સીધો ઠંડો ઓક્સિજન લેવો દર્દીઓ માટે ઘણો ખતરનાક સાબિત થઈ શકે છે.
2-3 અઠવાડિયા માટે માસ્કનો ઉપયોગ કરવો પણ બ્લેક ફંગસને આમંત્રણ આપવા જેવું
ડો.ચંદ્રાએ જણાવ્યં કે 2-3 અઠવાડિયા માટે માસ્કનો ઉપયોગ કરવો પણ બ્લેક ફંગસને આમંત્રણ આપવા જેવું છે. આ પ્રકારની ઘટનાઓ ઓછી કરવા માટે વધારે જોખમ વાળા લોકોને એન્ટી ફંગલ દવા પોસકોનાઝોલ આપી શકાય છે.