Video / કોરોના થયેલા બાળકોના માતા-પિતાએ ચેતવાની જરૂર, નાકમાં આ લક્ષણ દેખાય તો...

• કોરોનાના ગંભીર બાળ દર્દીઓને મ્યુકર માઇકોસિસનો ખતરો- ડો.રાકેશ જોશી
• કોરોના બાદ નાકમાં તકલીફ હોય તો ડોક્ટરની સલાહ જરૂરી- ડો.રાકેશ જોશી
• સૌથી વધુ સ્ટીરોઇડ અપાયા હોય તેવા દર્દીઓએ ધ્યાન રાખવું- ડો.રાકેશ જોશી

ગુજરાતમાં કોરોના બાદ બ્લેક ફંગસના કેસમાં વધારો

ગુજરાત સહિત આખો દેશ કોરોના વાયરસની બીજી લહેરનો સામનો કરી રહ્યો છે ત્યાં કોરોના વાયરસ જેવી મહામારી સામે લડી રહેલા દેશમાં વધુ એક મહામારી લોકોના જીવ લઈ રહી છે. બ્લેક ફંગસ ભારતના લોકો પર કાળો કહેર વર્તાવી રહી છે. આખા દેશમાં બ્લેક ફંગસના કેસ મામલે ગુજરાત મહારાષ્ટ્ર બાદ બીજા સ્થાન પર છે ત્યારે સુરતથી આ બીમારી માટે ચિંતાજનક સમાચાર સામે આવ્યા છે. 

કોરોના થયેલા બાળકોના માતા-પિતાએ ચેતવાની જરૂર, નાકમાં આ લક્ષણ દેખાય તો...#gujarat #mucormycosis #blackfungus #ahmedabad pic.twitter.com/h9JFlrID5b

— VTV Gujarati News and Beyond (@VtvGujarati) May 22, 2021

કોરોના સંક્રમિત થયેલા બાળકોના માતા પિતાએ શું ધ્યાન રાખવાની જરૂર?

ગુજરાતમાં વધતાં બ્લેક ફંગસના કેસ વચ્ચે ગુજરાતના નિષ્ણાત તબીબ ડૉ. રાકેશ જોશીએ કહ્યું કે 14 વર્ષના બાળકમાં પણ મ્યુકર્માઇકોસિસ હોવાનું સામે આવ્યું છે અને તેનું ઓપરેશન પણ કરવામાં આવ્યું છે. જે બાળકોને કોઈ પણ જાતની કોમોર્બીડિટી હોય તેમની સારસંભાળ રાખવાની જરૂર છે. ખાસ કરીને એવા બાળકો કે જેમને ICUમાં રાખવામાં આવ્યા, વધારે ઑક્સીજન આપ્યું હોય તેમને આ બીમારી થઈ શકે છે, આવા બાળકના માતા-પિતાએ ખાસ ધ્યાન રાખવું જોઈએ કે બાળકને શ્વાસમાં કોઈ તકલીફ પડતી હોય તો અથવા નાકમાંથી કોઈ પણ પ્રકારનો ડિસ્ચાર્જ આવતો હોય તો ચેતી જવું જોઈએ. સતત માથું દુખાય અથવા આખોમાં ફેરફાર દેખાય તો તાત્કાલિક ડૉક્ટર પાસે જવું જોઈએ. 

વધુ પડતાં સ્ટીરોઇડના કારણે આ બીમારી ફેલાતી હોવાની આશંકા 

કોરોના વાયરસ સામે લડતા દેશ માટે ખૂબ જ ચિંતાજનક બાબત છે કે હવે અન્ય એક મહામારી લોકોના જીવ લઈ રહી છે. તબીબી એક્સપર્ટનું માનવું છે કે વધુ પડતાં સ્ટીરોઇડના ઉપયોગના કારણે બ્લેક ફંગસ થઈ રૂય છે. કોરોનાની સારવાર બાદ જ આ કેસ સામે આવી રહ્યા છે ત્યારે રાજસ્થાન સરકાર દ્વારા તેની મફત સારવાર માટે નિર્ણય લેવામાં આવ્યો છે અને ખાનગી હોસ્પિટલો માટે પણ સરકારે સારવારની કિંમત નક્કી કરી દીધી છે. ગુજરાત સહિતના ઘણા રાજ્યોએ બ્લેક ફંગસને એક મહામારી જાહેર કરી દીધી છે.