દેશમાં પહેલી વાર રાજસ્થાનમાં મ્યુકોર્માઈકોસીસ (બ્લેક ફંગસ) રોગને મહામારી જાહેર કરવામાં આવી છે.
રાજસ્થાનમાં હવે મ્યુકોર્માઈકોસીસ મહામારી
રાજ્યમાં 100 કરતા પણ વધારે કેસો
જયપુરની હોસ્પિટલમાં બ્લેક ફંગસનો અલગ વોર્ડ
100 દર્દીઓ સારવાર હેઠળ
કોરોનામાંથી સાજા થનાર લોકોને ઝપેટમાં લેતી મ્યુકોર્માઈકોસીસ બીમારી હવે રાજસ્થાનમાં મહામારી બની છે. સરકારી અધિકારીઓએ જણાવ્યું કે રાજ્યમાં હાલમાં 100 કરતા પણ વધારે કેસો મ્યુકોર્માઈકોસીસના છે.
રાજ્યમાં 100 કરતા પણ વધારે દર્દીઓ મ્યુકોર્માઈકોસીસના
જયપુરની સવાઈ માનસિંહ હોસ્પિટલમાં મ્યુકોર્માઈકોસીસ માટે એક અલગ વોર્ડ બનાવાયો છે અને ત્યાં દર્દીઓની સારવાર ચાલી રહી છે.રાજસ્થાન સરકારે રાજસ્થાન એપેડેમિક એક્ટ, 2020 હેઠળ આ રોગને મહામારી જાહેર કર્યાં છે. રાજ્યના પ્રિન્સિપલ હેલ્થ સેક્રેટરી અખીલ અરોરા દ્વારા જારી નોટિફિકેશનમાં આવું જણાવાયું હતું. પ્રિન્સિપલ હેલ્થ સેક્રેટરી અરોરાએ જણાવ્યું કે બ્લેક ફંગસ અને કોરોના વાયરસની એકીકૃત અને સંકલિત સારવાર સુનિશ્ચિત કરવા માટેના તમામ પગલાંઓ લેવાયા છે.
ડાયાબિટિસથી પીડાતા લોકોને બ્લેક ફંગસનો સૌથી વધારે ખતરો
નિષ્ણાંતોના જણાવ્યાનુસાર ડાયાબિટિસથી પીડાતા લોકોને બ્લેક ફંગસનો સૌથી વધારે ખતરો રહેતો હોય છે. આવા લોકોએ ચેતી જવાની જરુર છે.