BIG NEWS / શેરમાર્કેટનું કચ્ચરઘાણ: એક જ દિવસમાં પાંચ લાખ કરોડ રૂપિયા 'સ્વાહા', 1688 પોઈન્ટ તૂટયો સેન્સેક્સ

• શેરબજારમાં રોકાણકારો માટે શુક્રવાર બેલ્ક ફ્રાઈડે સાબિત થયો 
• કોરોનાનું નવો વેરિઅન્ટ આવ્યા બાદ બજાર પર નકારાત્મક અસર જોવા મળી
• સેન્સેક્સ 1687.94 પોઈન્ટ નીચે અને નિફ્ટી 509.80 પોઈન્ટ નીચે પહોંચીને બંધ થયો

શેરબજારમાં રોકાણકારો માટે શુક્રવાર બેલ્ક ફ્રાઈડે સાબિત થયો 

શેરબજારમાં રોકાણકારો માટે શુક્રવાર એક દુઃસ્વપ્ન કરતાં પણ ખરાબ હતો. બ્લેક ફ્રાઈડે  સાબિત થયો.  શુક્રવારના સત્રમાં રોકાણકારોના લગભગ 5 લાખ કરોડ રૂપિયાનું નુકસાન થયું હતું. આજના સત્રમાં (શુક્રવાર, 26 નવેમ્બર 2021) જ, NSE (NSE) એ 2.91 ટકા (509 પોઈન્ટ) નો ઘટાડો નોંધાવ્યો હતો, જ્યારે BSE સેન્સેક્સ 2.87 ટકા (1687 પોઈન્ટ) ઘટ્યો હતો. ફાર્મા સિવાય કોઈ સેક્ટર લીલા નિશાનમાં બંધ નથી. શુક્રવારના સત્રમાં BSE સેન્સેક્સ 1687.94 પોઈન્ટના ઘટાડા સાથે 57,107.15 પર બંધ થયો હતો, જ્યારે NSE ઈન્ડેક્સ 509.80 પોઈન્ટના મોટા ઘટાડા સાથે 17026.50 પર બંધ થયો હતો. કહેવામાં આવી રહ્યું છે કે કોરોનાનું નવું વેરિઅન્ટ આવ્યા બાદ બજાર પર આવી નકારાત્મક અસર જોવા મળી છે.

મુખ્ય 4 કારણો જવાબદાર

ભારતીય સ્ટોક માર્કેટમાં સતત કડાકો થઈ રહ્યો છે. બજાર તૂટ્યા બાદ હાહાકાર મચી ગયો અને સેન્સેક્સમાં કડાકો બોલી ગયો તો નિફ્ટીમાં પણ કડાકો થયો છે. શેર બજાર તૂટવા પાછળ મુખ્ય 4 કારણોમાં સામેલ છે. (1) કોરોના વાયરસ (2)દક્ષિણ આફ્રિકામાં કોરોનાનો નવો વેરિએન્ટ સામે આવ્યો છે. જેનાથી વિશ્વભરમાં હાહાકાર મચી ગયો છે. (3)સાથે જ ક્રૂડ ઓઈલના ભાવમાં ઘટાડો. મેટલ અને ફાયનાન્સિયલ બેંચમાર્ક તૂટવા અને (4)એશિયન બજારોમાં થયેલા નુકસાનની અસર ભારતીય શેર માર્કેટ પર દેખાઈ રહ્યો છે.

ટારસનના શેર પ્રીમિયમ પર લિસ્ટ

શેર બજારમાં ઘટાડાની વચ્ચે ટારસન્સ પ્રોડક્ટ્સના શેર 5.74 ટકા પ્રીમિયમની સાથે લિસ્ટ થયા છે. કંપનીના આઈપીઓના સમયે શેરના પ્રાઈસ 662 રુપિયા નક્કી કરવામાં આવ્યા હતા અને શુક્રવારે લિસ્ટિંગના સમયે 700 રુપિયા પર ખુલ્યા.