તમે દૂધ અને ખાંડ વાળી કોફી તો પીધી જ હશો પરંતુ એકવાર ખાંડ વગરની બ્લેક કોફી ટ્રાય કરી જુઓ તેનાથી સ્વાસ્થ્યને એવા લાભ થશે જેના વિશે તમે કદાચ નહિ જાણતા હોવ.
ટ્રાય કરો ખાંડ અને દૂધ વગરની કોફી
બ્લેક કોફીથી સ્વાસ્થ્યને થાય છે આટલા બધા ફાયદા
આ ફાયદા વિશે તમે નહીં જાણતા હોવ
દૂધ અને ખાંડમાંથી બનેલી કોફી સ્વાસ્થ્યને નુકસાન પહોંચાડે છે. તેના બદલે ખાંડ વગરની બ્લેક કોફી પીવાથી શરીરને ફાયદો થાય છે. નિષ્ણાંતોના જણાવ્યા અનુસાર બ્લેક કોફી પીવાથી આપણા શરીરને ઘણા ફાયદા થાય છે.
બ્લેક કોફી પીવાના ફાયદા
લો કેલેરી ડ્રિંક
યુનાઈટેડ સ્ટેટ્સ ડિપાર્ટમેન્ટ ઓફ એગ્રીકલ્ચર (USDA) અનુસાર, ગ્રાઉન્ડ બીન્સમાંથી બનેલી નિયમિત બ્લેક કોફીના કપમાં 2 કેલરી હોય છે. બીજી તરફ, એનરિચ્ડ એક્સપ્રેસોના એક ઔંસમાં માત્ર એક કેલરી હોય છે. જો તમે ડીકેફિનેટેડ બીન્સનો ઉપયોગ કરો છો તો તમારી કોફીમાં કેલરીની સંખ્યા શૂન્ય થઈ જશે.
વજન ઘટાડવામાં મદદરૂપ
બ્લેક કોફીમાં ક્લોરોજેનિક એસિડ નામનું તત્વ પણ હોય છે, જે વજન ઘટાડવામાં મદદ કરે છે. આ કારણે રાત્રિભોજન પછી શરીરમાં ગ્લુકોઝના નિર્માણમાં મોડુ થાય છે અને નવા ફેટ સેલ્સનું નિર્માણ ઘટી જાય છે જેના પછી ધીમે ધીમે વજન ઘટવા લાગે છે.
શરીરને મળશે એનર્જી
કોફીમાં કેફીન જોવા મળે છે જે આપણા શરીર પર ઘણી અસરો કરે છે. કેફીન એક કુદરતી ઉત્તેજક છે જે આપણા મગજ અને નર્વસ સિસ્ટમને સક્રિય અને ધ્યાન કેન્દ્રિત કરવામાં મદદ કરે છે. તે આપણી એનર્જી લેવલમાં સુધારો કરવામાં પણ મદદ કરે છે.