હેલ્થ / સ્થૂળતાથી પરેશાન છો તો બ્લેક કોફીમાં મિક્સ કરો આ 1 વસ્તુ, તરત ઘટવા લાગશે ફેટ

વધતું વજન આજકાલ દરેક વ્યક્તિ માટે સમસ્યા બની રહ્યું છે. વજન ઓછું કરવા માટે લોકો ક્યારેક જિમની મદદ લે છે તો ક્યારેક યોગ અને દવાઓની. આમ છતાં તેમને યોગ્ય પરિણામ મળતું નથી. આ સમયે તમે જો ખાસ પ્રકારની કોફીનો ઉપયોગ કરો છો તો શક્ય છે કે તમારું વજન થોડા જ સમયમાં ઉતરવા લાગે. સાથે જ તમે તમારી પસંદનું ફિગર મેળવી શકો. 

જિમ અને એક્સરસાઈઝ કરવા છતાં વજન ઓછું નથી થતું તો કોફી પીવાથી વજન કેવી રીતે ઓછું થશે એમ તમે વિચારતા હશો. જો તમે વજન ઓછું કરવા ઈચ્છો છો તો દૂધ વિનાની એટલે કે બ્લેક કોફીમાં બે ચમચી નારિયેળનું તેલ મિક્સ કરી લો. આ કોફી ગરમ ગરમ પીવાથી તમારા શરીરની ચરબી પીગળવા લાગશે અને સાથે જ તમારું વજન પણ ઓછું થશે. 

બ્લેક કોફીમાં નારિયેળનું તેલ મિક્સ કરવાથી શરીરની એકસ્ટ્રા ફેટ ઝડપથી ઘટવા લાગે છે. આ ખાસ કોફી બનાવવા કોફી મગમાં 2 ચમચી નારિયેળનું તેલ મિક્સ કરી લો. તેને પહેલાંથી તૈયાર દૂધ વિનાની એટલે કે બ્લેક કોફી સાથે મિક્સ કરો. કોફી ગરમ રાખજો જેથી તેલ તેમાં સારી રીતે મિક્સ થઈ શકે. જો તમને ડાયાબિટીસ છે તો તમે તેમાં ખાંડ ન નાંખશો. એ સિવાય તમે આ કોફીનો ઉપયોગ કરી શકો છો. 

એક રિસર્ચમાં પણ કહેવાયું છે કે રોજ બ્લેક કોફીમાં નારિયેળ તેલ મિક્સ કરીને પીવાથી વજન ઝડપથી ઉતરવા લાગે છે. શરીરમાં કોલેસ્ટેરોલનું લેવલ પણ વધે છે. એટલું જ નહીં વ્યક્તિના શરીરના મેટાબોલિઝમ રેટમાં પણ સુધારો આવે છે. તેના કારણે પણ વજન ઝડપથી ઉતરી જાય છે.