નવી મુશ્કેલી / કોરોના બાદ વઘી રહેલા ફંગસના ડબલ એટેકે વધારી એક્સપર્ટ્સની ચિંતા, આ લક્ષણો દેખાતા રહો સાવચેત

• કોરોના બાદ આવી નવી મુશ્કેલી
• ફંગસના ડબલ એટેકે વધારી એક્સપર્ટ્સની ચિંતા
• આ લક્ષણો દેખાતા રહો સાવચેત

 
ભારતમાં કોરોનાથી સાજા થયા બાદ પણ લોકોને રાહત મળી રહી નથી. પોસ્ટ કોવિડ પ્રભાવના રૂપમાં સામે આવેલી અને મહામારી જાહેર કરાયેલા બ્લેક ફંગસ એટલે કે મ્યુકરમાઈકોસિસ જેવી ખતરનાક બીમારીના કેસમાં ઘટાડા થવાથી લોકોને રાહતની આશા હતી પણ સાથે ફંગસના ડબલ એટેકના કારણે સ્વાસ્થ્ય વિશેષજ્ઞોની ચિંતા વધી છે. 

યૂપીથી આવેલા દર્દીમાં બ્લેક અને વ્હાઈટ ફંગસ બંને જોવા મળ્યા
ગાઝિયાબાદના વૈશાલી સ્થિત મેક્સ હોસ્પિટલમાં એક દર્દીમાં ફંગસના ડબલ એટેકનો કેસ સામે આવ્યો છે. યૂપીથી આવેલા દર્દીમાં બ્લેક અને વ્હાઈટ ફંગસ બંને જોવા મળ્યા છે. દર્દીની સર્જરી કરનારા ડોક્ટર્સનું કહેવું છે કે કોરોનાની બીજી લહેર બાદ એપ્રિલમાં દર્દીમાં બ્લેક અને વ્હાઈટ ફંગસમાંથી કોઈ એક જ બીમારી મળી રહી હતી પણ હવે બંને એકસાથે એક જ દર્દીમાં જોવા મળતા ચિંતા વધી છે.  

ફંગસમાં બ્લેક ફંગસ સૌથી વધારે ખતરનાક
ફંગસના દરેક પ્રકારોમાં બ્લેક ફંગસ સૌથી વધારે ખતરનાક અને જીવલેણ છે. તે નાકથી થઈને આંખ અને મગજને પ્રભાવિત કરે છે. તેમાં આંખો ખતમ પણ થઈ શકે છે.  ફંગસના કેસમાં નનાકમાં એક તરફ ગંદી સ્મેલ આવવાની ફરિયાદ પણ જોવા મળી છે. તેમાં બ્લેક ફંગસ જોવા મળ્યું અને તેને હટાવતા નીચે વ્હાઈટ ફંગસ પણ જોવા મળ્યું. તે દર્દીમાં મ્યુકરમાઈકોસિસ નાકથી મગજ સુધી પહોંચી ચૂક્યું હતું. સર્જરી બાદ તેને એન્ટી ફંગલ દવાઓ પણ આપવામાં આવી, હાલમાં દર્દી ખતરાથી બહાર છે.  
 
આ લક્ષણો જોવા મળે તો રહો સાવધાન
આ સાથે દર્દીમાં બંને ફંગસ એકસાથે છે કે નહીં તે ટેસ્ટની મદદથી જ જાણી શકાય છે. પરંતુ આ લક્ષણો તમને ફંગસ હોવાનો સંકેત આપે છે. 

• નાક સતત બંધ રહેવું
• નાકમાંથી અલગ બેડ સ્મેલ આવવી
• કંઈક કચરો જમી જવો અને નીકળવો નહીં
• કાળો પદાર્થ નાકમાંથી નીકળે તો તેનો ટેસ્ટ કરાવો
• બ્લેક કે વ્હાઈટ ફંગસ નાકમાં રહે તો સામાન્ય તાવ પણ રહે છે
• ભૂખમાં ઘટાડો થાય છે

• માથામાં દર્દ અને આંખો લાલ થવાની સાથે સૂજી જાય છે
• શરીરમાં સાંધામાં દર્દ થાય છે અને ઉલ્ટીઓ થાય છે 
• ફંગસની અસર મગજ સુધી થાય છે તો વિચારવાની ક્ષમતા પર અસર થાય છે.
• દર્દી જલ્દી નિર્ણય લઈ શકતો નથી અને બોલવામાં તકલીફ રહે છે
• દર્દીની સ્કીન પર નાના ફોલ્લા રહે છે અને નાકમાં કંઈ જામી જાય તો ડોક્ટરની મદદ લેવી.