પરિણામ / ન.પા.માં ભાજપની વિજયકૂચ : નીતિન પટેલના ગઢમાં ઐતિહાસિક જીત, જુઓ કેટલી બેઠક મળી

• કડીમાં ભાજપની કમાલ 
• 36માંથી 35 પર કમળ ખીલ્યું 
• નીતિન પટેલનો ગઢ છે કડી 

ભાજપની વિજયકૂચ 

ગુજરાતમાં સ્થાનિક સ્વરાજ ચૂંટણીના પરિણામ સામે આવી રહ્યા છે ત્યારે ભાજપના દિગ્ગજ નેતાઑના ગઢમાં ભાજપનો ભવ્ય વિજય થઈ રહ્યો છે. મ્યુનિસપિલ કોર્પોરેશનમાં ભાજપનો ભગવો લહેરાયો છે ત્યારે આજે તાલુકા-જિલ્લા પંચાયત તથા નગરપાલિકાઓમાં ભાજપની વિજયકૂચ થઈ રહી છે. 

નીતિન પટેલનો ગઢ મનાતા કડીમા નગરપાલિકાની ચૂંટણીમાં ભાજપનો ભવ્ય વિજય થયો

ગુજરાતમાં જેમ જેમ પરિણામો સામે આવી રહ્યા છે તેમ તેમ નગરપાલિકાઓમાં ભાજપની ફતેહ સામે આવી રહી છે ત્યારે ભાજપના દિગ્ગજ નેતા અને ગુજરાતના નાયબ મુખ્યમંત્રીના ગઢ કડીમાં ભાજપનો ભવ્ય વિજય થયો છે. કડીમાં બધી જ બેઠકો પર કેસરીયો લહેરાયો છે. 

કડી નગરપાલિકામાં વોર્ડ નંબર પાંચમાં એક બેઠક કોંગ્રેસને મળી

નોંધનીય છે કે કડીમાં કુલ 9 વોર્ડ છે અને તેમાં 36 બેઠકો આવેલ છે. 36માંથી 26 બેઠકો બિનહરીફ ભાજપના ફાળે ગઈ હતી જ્યારે બાકીની 10 બેઠકો પર પણ કોંગ્રેસના સૂપડા સાફ થયા છે. આખી નગરપાલિકામાં કોંગ્રેસને 1 બેઠક મળી છે. કડી નગરપાલિકામાં 2015 માં ભાજપે 28 બેઠકો પર વિજય મેળવી હતી. 

6 મહાનગરપાલિકાની ચૂંટણી પરિણામમાં સુરતમાં 27 બેઠકો પર આપના વિજય બાદ જિલ્લા અને તાલુકા પંચાયત પર પણ સૌની નજર હતી ત્યારે આજે તાલુકા પંચાયત અને જિલ્લા પંચાયતમાં પણ AAPએ એન્ટ્રી કરી છે. 

સુરતમાં AAP VS BJP

C R પાટીલના ઘર આંગણા સમી સુરતમાં મહાનગરપાલિકામાં APPને 27 બેઠકો મળ્યા બાદ APP ના સ્થાપક અને દિલ્હીના મુખ્યમંત્રી અરવિંદ કેજરીવાલે સુરતમાં ભવ્ય રોડ શો કર્યો હતો. ત્યારે આજે તાલુકા પંચાયતમાં આ અસર દેખાઈ રહી છે. 

શું કહે છે પરિણામ

સુરતમાં અંબોલી તાલુકા પંચાયતમાં આપને જીત મળી છે. ત્યારે રાજકોટમાં પણ આપે પગપેસારો કર્યો છે. ભાજપા પ્રમુખ C R પાટીલના ગઢમાં જ આપે ગાબડા પાડવાનું શરૂ કરી દીધુ છે પહેલા સુરત મહાનગરપાલિકા અને હવે તાલુકા પંચયાતમાં તેણે જીત તરફ કૂચકદમ કર્યા છે.