CM ભૂપેન્દ્ર પટેલની આગવી છાપની અસર પણ ગાંધીનગર મનપાની ચૂંટણીમાં જોવા મળી, વિકાસ મતદારોને મોહી ગયો
ગાંધીનગર મનપામાં ભાજપની ભવ્ય જીત
ભાજપ 41, કોંગ્રેસ 2, અને આપ 1 બેઠક મળી
CR અને BRની જોડીનો માસ્ટર પ્લાન કામ આવ્યો
વિધાનસભા પહેલા ગાંધીનગર મહાનગરપાલિકા અને અન્ય પંચાયતો અને નગરપાલિકાની ચૂંટણીમાં ત્રણેય પક્ષો ભાજપ, કોંગ્રેસ અને AAPએ એડીચોટીનું જોર લગાવ્યું હતું. પણ રાજકીય નિષ્ણાતોના મતે વિપક્ષના મતોના વિભાજનથી પરિણામોમાં ક્યાંય રસાકસી જોવા ન મળી અને ભાજપના ઉમેદવારો જંગી બહુમતીથી જીતી ગયા હતા. PM નરેન્દ્ર મોદીનો ચહેરો અને અમિત શાહનો પ્રભાવતો ગુજરાતની તમામ ચૂંટણીમાં જોવા મળે છે ત્યારે પ્રદેશ અધ્યક્ષ સી આર પાટીલ અને મુખ્યમંત્રી ભૂપેન્દ્રભાઈ રજનીકાન્ત પટેલની જોડીએ મોટો કમાલ કરી કમળને ભવ્ય જીત અપાવી છે. સી.આર.પાટીલના મજબૂત નેતૃત્વની અસર જોવા મળી તો CM ભૂપેન્દ્ર પટેલની આગવી છાપે ગાંધીનગર મનપામાં ઈતિહાસ રચ્યો છે.
CR અને BRની જોડીનો માસ્ટર પ્લાન
સી.આર.પાટીલના મજબૂત નેતૃત્વનો કમાલ
CM ભૂપેન્દ્ર પટેલની આગવી છાપની અસર
બુથ સ્તરે ભાજપની મજબૂત પકડ કામ કરી ગઈ
પાટીલની પેજ પ્રમુખ ફોર્મ્યુલા સફળ રહી
નવા સીમાંકનનો ભાજપને સીધો ફાયદો
ચૂંટણી પહેલી ભાજપ હાઈકમાંડે બદલી નાખી આખી સરકાર
ભાજપે નવા ચહેરાઓને સરકારમાં સ્થાન આપતા અસર પડી
ભાજપનું બુથ મેનેજમેન્ટ અને બુથ વ્યવસ્થાએ જીત અપાવી
ભાજપની પેજ સમિતિ જીતમાં અસરકારક બની
પ્રભાવી ચહેરા સાથે વિકાસને મત મળ્યા?
PM નરેન્દ્ર મોદીનો ચહેરો અને અમિત શાહનો પ્રભાવને કારણે ગુજરાતમાં દર ચૂંટણીમાં એક અલગ જ ઈતિહાસ રચાય છે. શહેરી પ્રજા ભારતીય જનતા પાર્ટી પર ઓળઘોળ નજર આવી
ગાંધીનગરનો વિકાસ મતદારોને મોહી ગયો હોય તેમ લાગ્યું. આમ આદમી પાર્ટીને ગાંધીનગરવાસીઓએ જાકારો આપ્યો, એકપણ ચાલ, એકપણ સ્ટ્રેટેજી વિરોધીઓની કામ ન આવી અને CR અને BRની જોડીનો માસ્ટર પ્લાન આગળ હાથ અને ઝાડુ ચારોખાને ચિત્ત થઈ ગયા. તેમાં પેરાસૂટ AAPના નેતાઓને નકાર્યા, કોંગ્રેસથી મોહભંગ વિપક્ષને નડી ગયો સામે ભાજપની નવી નવા ચહેરા બદલાવાની સ્ટ્રેટેજીએ મોટું કામ કાઢ્યું
કઈ પાર્ટીને કેટલા ટકા જનતાનો આશીર્વાદ મળ્યો?
ગાંધીનગર મહાનગરપાલિકામાં AAPના કારણે એકતરફી મુકાબલો રહ્યોં હતો. ભાજપને 46% મત મળ્યા જ્યારે કોંગ્રેસને 28% અને AAPને 21% મત મળ્યા છે. કોંગ્રેસ અને AAPને બન્નેના મતની ટકાવારી ભેગી થાય તો ભાજપથી વધુ મત હાંસલ કરી શકત પણ એવું બન્યું નથી, આમ આદમી પાર્ટીએ કોંગ્રેસના મતોમાં મોટું ગાબડું પાડ્યું પાડતા ભાજપની રાહ આસાન થઈ હતી. ગાંધીનગર મહાનગરપાલિકાની ચૂંટણીમાં કુલ 8 વોર્ડમાં કોંગ્રેસ બીજા સ્થાને, આમ આદમી પાર્ટી કુલ 3 વોર્ડમાં બીજા સ્થાને રહી છે. મહત્વનું છે કે વિપક્ષોના મત વહેંચાવાના કારણે કોઈ વોર્ડમાં ભાજપ સામે ફાઈટ રહી જ નહી જેથી ગાંધીનગર મહાનગરપાલિકામાં ભાજપના કુલ 41 સભ્યો રસાકસી વગર ચૂંટાયા ગયા છે.