સંખ્યાબળ / રાજ્યસભામાં BJP બની 'બાહુબલી': 1988 બાદ પહેલીવાર કોઈ પાર્ટી પાસે આટલી સીટો, જુઓ કોનો કેટલો પાવર

• લોકસભા બાદ રાજ્યસભામાં પણ ભાજપ થઈ મજબૂત
• રાજ્યસભામાં ભાજપની સીટો 100ને પાર
• કોંગ્રેસ પાર્ટીનો પાવર ઓછો થયો

સંસદમાં ભારતીય જનતા પાર્ટીની તાકાત વધી ગઈ છે. જ્યારે કોંગ્રેસ પાર્ટી થોડી નબળી પડી છે. રાજ્યસભા ચૂંટણીના હાલના સમયમાં કોંગ્રેસની શક્તિ પાંચ સીટોથી ઓછી થઈ છે. રાજ્યસભામાં પહેલી વાર ભાજપે 100નો આંકડો પાર કર્યો છે. આ સિદ્ધિ મેળવનારી ભાજપ 1988 બાદ પહેલી પાર્ટી બની ગઈ છે. ગુરૂવારે થયેલી સંસદના ઉપલા ગૃહની ચૂંટણીમાં હાલના સમય બાદ, ભાજપની સંખ્યા હવે 101 થઈ ગઈ છે. 

ગુરૂવારે થયું હતું મતદાન

ભાજપે આ સિદ્ધિ 13માંથી ચાર સીટો જીતીને મેળવી છે. જેના માટે ગુરૂવારે મતદાન થયું હતું. ભાજપના ગઠબંધનમાં સહયોગી યુનાઈટેડ પીપુલ્સ પાર્ટી લિબરલે આસામમાંથી એક રાજ્યસભા સીટ જીતી. ભાજપે ત્રણ પૂર્વોત્તર રાજ્યો આસામ, ત્રિપુરા અને નાગાલેન્ડથી રાજ્યસભાની ચાર સીટો જીતી. ભાજપે આ વિસ્તારનમાં ઉપલા ગૃહમાં પોતાના સભ્યોની સંખ્યા વધારી દીધી છે. 

આસામના મુખ્યમંત્રીએ શુભકામના આપી

આસામના મુખ્યમંત્રી હિમંત બિસ્વા સરમાએ ટ્વિટ કર્યું છે, આસામમાં એનડીએના બે ઉમેદવારોને રાજ્યસભામાં પસંદ કરીને પ્રધાનમંત્રી પર વિશ્વાસ વ્યક્ત કર્યો છે. ભાજપની પબિત્રા માર્ગેરિટા 11 વોટથી જીતી અને યુપીપીએલના રવંગવરા નારજારી નવ વોટથી જીત્યા, વિજેતાઓને મારી શુભકામનાઓ.

ઉપરાષ્ટ્રપતિની ચૂંટણીમાંથી કોંગ્રેસ આઉટ

રાજ્યસભામાં ભાજપના 100ના આંકડાને પાર કરતાની સાથે જ વિપક્ષને આ વર્ષે ઓગસ્ટમાં થનારી ઉપરાષ્ટ્રપતિ ચૂંટણીની હરિફાઈમાં બહાર કરી દીધું છે. આસામની બે રાજ્યસભા સીટો અને ત્રિપુરાની એક સીટ માટે ગુરૂવારે મતદાન થયું હતુ. ભાજપ ઉમેદવાર અને તેમની મહિલા વિંગના રાજ્ય અધ્યક્ષ એસ. ફાંગનોન કોન્યાકને નાગાલેંડની એકમાત્ર રાજ્યસભા સીટ પર બિનહરીફ ચૂંટવામાં આવ્યા છે. જેનાથી તેઓ સંસદના ઉપલા ગૃહમાં સીટ મેળવનારી રાજ્યની પ્રથમ મહિલા બની ગઈ છે. આસામમાંથી કોંગ્રેસના રિપુન બોરા અને રાની નારાનો રાજ્યસભા કાર્યકાળ બે એપ્રિલે સમાપ્ત થાય છે. 

આપ પાર્ટી થઈ મજબૂત

પંજાબ વિધાનસભા ચૂંટણીમાં પ્રચંડ જીત બાદ આપે રાજ્યની તમામ પાંચ સીટો પર જીત મેળવી છે. હવે આપની સંખ્યા સદનમાં આઠ સીટો સુધી વધી ગઈ છે. રાજ્યસભા ચૂંટણીના હાલના સમય દરમિયાન કોંગ્રેસની તાકાત પાંચ સીટોની ઓછી થઈ ગઈ છે .