પ.બંગાળની સાલ્ટોરા બેઠક પર દાડિયા મજૂરની પત્ની ચંદના બાઉરી ભાજપના ધારાસભ્ય બનતા દેશ-દુનિયામાં ચર્ચા ચાલી છે.
ભાજપને બંગાળના સલ્ટોરા પર ચંદના બાઉરીની આપી હતી ટિકિટ
ચંદના બાઉરીએ ટીએમસીના સંતોષ મંડલને હાર આપી
દાડિયા મજૂરી કરે છે ચંદનના પતિ, તૂટેલી ઝુપડીમાં વિતાવે છે જીવન પ.બંગાળની સાલ્ટોરા બેઠક પર કોઈ ઉમેદવાર ન મળતા આખરે ભાજપે દાડિયું કરીને પેટિયું રળી ખાતા મજૂરની પત્ની ચંદના બાઉરીને ટિકિટ આપી.
સાલ્ટોરા બેઠક પર ચંદના બાઉરીનો મુકાબલો ટીએમસીના સંતોષ મંડલની સામે હતો. અને જ્યારે પરિણામે જાહેર થયું ત્યારે બધાના મોંઢા ખુલ્લા રહી ગયા.ચંદના બાઉરીએ ટીએમસીને સંતોષ મંડલને 4,000 મતોથી પરાજય આપીને વિજેતા બની.
તૂટેલી ઝૂંપડીમાં રહે છે, સંપત્તિને નામે 3 બકરી-3 ગાય
ચંદના બાઉરીના ચૂંટણી એફિડેવિટ અનુસાર, બાઉરી ત્રણ બાળકોની માતા છે અને તેની પાસે સંપત્તિને નામે ફક્ત રુપિયા 31,985 છે જ્યારે તેના પતિની સંપત્તિ 30,311 રુપિયા છે. બાઉરીનો પતિ એક દૈનિક મજૂર છે અને તે રાજમિસ્ત્રીનું કા કરે છે. બાઉરી દંપત્તિ પાસે 3 બકરીઓ અને 3 ગાય છે.
ટિકિટ મળવાનો વિશ્વાસ જ નહોતો-બાઉરી
તુટેલી-ફૂટેલી ઝૂંપડીમા રહેતી ચંદનાએ બાઉરીએ જણાવ્યું કે ટિકીટોની જાહેરાત પહેલા મને ખબર જ નહોતી કે વિધાનસભાના ઉમેદવાર તરીકે મારી પસંદગી થખશે. ઘણા લોકોએ મને ઓનલાઈન નામાંકન માટે પ્રોત્સાહન આપ્યું. પરંતુ મને વિશ્વાસ જ આવતો નહોતો કે મારી જીત થશે.
ચંદના પર અભિનંદનનો મારો, લોકોએ ચંદનાના વખાણ કર્યાં
ટ્વિટર પર ચંદના બાઉરીના વિજયના સમાચાર મળતા સોશિયલ મીડિયાના યૂઝર્સ ઝૂમી ઉઠ્યાં હતા. એક યુઝરે ટ્વિટર પર લખ્યું કે કોઈ પણ જાતના રાજકીય બેકગ્રાઉન્ડ વગર આ સામાન્ય મહિલાની જીત છે. બાઉરીની પાસે ન તો પૈસા છે કે ન તો પાવર છે તેમ છતાં પણ તેનો વિજય થયો. તેમને સલામ.
બીજા એક યૂઝરે લખ્યું કે ચંદના બાઉરી 4145 વોટોથી જીતી ગઈ. તેની પાસે ફક્ત 31985 રુપિયાની સંપત્તિ અને 3 ગાય તથા 3 બકરી છે. તેમને અભિનંદન. આ રીતે ચંદનાની તસવીરો સાતે લોકો તેને જોરદાર અભિનંદન આપી રહ્યાં છે.