આજથી ભાજપ સેન્સ પ્રક્રિયા હાથ ધરશે; સુરત જિલ્લાની 12 બેઠકોનો સેન્સ લેવાશે તેમજ સૌરાષ્ટ્રમાં 3 દિવસ સેન્સ પ્રક્રિયા ચાલશે
આજથી ભાજપ સેન્સ પ્રક્રિયા હાથ ધરશે
સુરતની 12 બેઠકો પર ભાજપની સેન્સ પ્રક્રિયા
સૌરાષ્ટ્રમાં ભાજપની 3 દિવસ સેન્સ પ્રક્રિયા
ગુજરાતમાં વિધાનસભાની ચૂંટણી જાહેરાતનું કાઉન્ટ શરૂ થઈ ગયો છે ત્યારે ભાજપ, કોંગ્રેસ અને આમ આદમી પાર્ટીએ કમર કસી લીધી છે અને જોરદાર તૈયારી કરી રહ્યાં છે. ચૂંટણી પ્રચારથી લઈ બેઠકોનો જોર શરૂ કરી દીધુ છે ત્યારે ભાજપે ચૂંટણીલક્ષી રાજનીતિ માટે ગઈ કાલે નિરીક્ષકોની યાદી જાહેર કરી છે અને આજે સેન્સ પ્રક્રિયા હાથ ધરી છે. આજથી ભારતીય જનતા પાર્ટીએ ગુજરાત વિધાનસભાની વિવિધ બેઠકો માટે સેન્સ પ્રક્રિયા હાથ ધરવામાં આવશે.
ભાજપ સેન્સ પ્રક્રિયા હાથ ધરશે
ગુજરાતની વિધાનસભાની ચૂંટણી પહેલા ભાજપે ચૂંટણીલક્ષી રાજનીતિનો ધમધમાટ શરૂ કરી દીધો છે. જેમાં સુરતની 12 બેઠકો પર ભાજપ દ્વારા ઉમેદવાર પસંદગી માટે સેન્સ પ્રક્રિયા હાથ ધરવામાં આવશે. ઉધના રોડ પર ભાજપના કમલમ કાર્યલય પર સેન્સ પ્રક્રિયા હાથ ધરવામાં આવશે. જેમાં એકસાથે 2 વિધાનસભાના ઉમેદવારોની પસંદગીની પ્રક્રિયા માટે સેન્સ પ્રક્રિયા હાથ ધરાવામાં આવશે. આજે બપોરે ઉધના, વરાછા બેઠકના દાવેદારોને સેન્સ લેવામાં આવશે. ત્યારબાદ બપોરે 2 વાગ્યા મજુરા, કરંજ બેઠકના દાવેદારોની સેન્સ પ્રક્રિયા હાથ ધરવામાં આવશે. સાંજે 5:30 વાગ્યે ચોર્યાસી, કતારગામ બેઠકના દાવેદારો માટે સેન્સ પ્રક્રિયા હાથ ધરવામાં આવશે. આજે ગાંધીનગર ની ત્રણ વિધાનસભા બેઠકો ની સેન્સ પ્રક્રિયા હાથ ધરાશે તેમજ સૌરાષ્ટ્રના જિલ્લાઓમાં ભાજપની 3 દિવસ સેન્સ પ્રક્રિયા છે જેમાં તારીખ 27 થી 29 ભાજપની સેન્સ પ્રક્રિયા યોજાશે
ભાજપે ગઈ કાલે નિરીક્ષકોની યાદી જાહેર કરી હતી
ગુજરાત વિધાનસભાની ચૂંટણી અનુલક્ષી ભાજપે નિરક્ષકોના નામ જાહેર હતાં. જેમાં ગોરધન ઝડફિયાને પાટણની જવાબદારી સોંપાઇ છે તો શંકર ચોધરીને વડોદરા અને પુર્ણેશ મોદીને પંચમહલની જવાબદારી સોંપાઈ છે. હર્ષ સંધવી અને ગણપત વસાવાને અમદાવાદની જવાબદારી સોંપાઇ છે. રૂષિકેષ પટેલ અને જીતુ વાઘાણીને દાહોદની જવાબદારી સોંપી છે તેમજ આર સી ફળદુ અને ઉદય કાનગઢને ગાંધીનગરની જવાબદારી માટે યોગ્ય સમજ્યા છે ત્યારે ભુપેન્દ્રસિંહ ચુડાસમા અને નિમિષા સુથારને ભરૂચની જવાબદારી સોંપાઈ છે. રાજેન્દ્ર ત્રિવેદીને વલસાડની જવાબદારી સોંપાઈ છે અને નરહરી અમિનને નર્મદા જિલ્લાની જવાબદારી સોંપાઈ છે. પુનમ માડમ અને આઈ કે જાડેજાને ભાવનગરની જવાબદારી સોંપી છે