વિધાનસભાની ચૂંટણીમાં ટિકિટ વાંચ્છુકો દ્વારા પક્ષ વિરોધી કામગીરી કરતા તેમને પક્ષમાંથી સસ્પેન્ડ કરવામાં આવ્યા છે. આજે વડોદરા જીલ્લા ભાજપ દ્વારા એક સાથે પાર્ટીમાંથી 51 લોકોને સસ્પેન્ડ કરી દેતા કાર્યકરોમાં સોંપો પડી જવા પામ્યો હતો.
વડોદરા જીલ્લા ભાજપ દ્વારા લેવામાં આવ્યા પગલા
પક્ષ વિરોધી કામગીરી કરનારને પક્ષમાંથી સસ્પેન્ડ કર્યા
પાદરા અને વાઘોડિયા તાલુકાનાં 51 કાર્યકરોને સસ્પેન્ડ કર્યા
ગુજરાત વિધાનસભાની ચૂંટણીનાં જાહેર થતાની સાથે જ ભાજપ દ્વારા ટિકિટ વાંચ્છુકોને ટિકિટ ન મળતા તેઓ દ્વારા બળવો કરીને અપક્ષ ઉમેદવારી નોંધાવી છે. ત્યારે પક્ષ વિરોધી કામગીરી કરવા બદલ ભાજપ દ્વારા તેઓને પક્ષ વિરોધી કામગીરી કરવા બદલ પક્ષમાંથી સસ્પેન્ડ કરવામાં આવ્યા છે. ત્યારે બે દિવસ પહેલા જ ભાજપ પ્રદેશ અધ્યક્ષ સી.આર.પાટીલ દ્વારા 12 કાર્યકરોને પક્ષ વિરોધી કામગીરી કરવા બદલ પક્ષમાંથી સસ્પેન્ડ કરવામાં આવ્યા હતા. ત્યારે આજે વડોદરા જીલ્લા ભાજપ દ્વારા એક સાથે 51 લોકોને પક્ષમાંથી સસ્પેન્ડ કરવામાં આવતા પક્ષમાં સોંપો પડી જવા પામ્યો હતો.
પાદરા અને વાઘોડિયાના 51 કાર્યકરો સસ્પેન્ડ
વડોદરામાં દબંગ નેતા મધુ શ્રીવાસ્તવને પક્ષ દ્વારા ટિકીટ આપવામાં ન આવતા તેઓ દ્વારા અપક્ષ ઉમેદવારી નોંધાવી છે. ત્યારે ભાજપ પ્રદેશ અધ્યક્ષ સી.આર. પાટીલ દ્વારા વાઘોડીયાના મધુ શ્રીવાસ્તવ, પાદરાના દિનુ પટેલ અને સાવલીનાં કુલદિપસિંહ રાઉલને પક્ષમાંથી સસ્પેન્ડ કર્યા હતા. ત્યારે આજે વડોદરા જીલ્લા ભાજપ દ્વારા મોટી કાર્યવાહિ કરવામાં આવતા સમગ્ર પક્ષમાં સોંપો પડી જવા પામ્યો હતો. જેમાં પાર્ટી વિરૂધ્ધ કાર્યવાહિ કરનાં પાદરા તાલુકા અને વાઘોડિયા તાલુકાના બળવાખોરો વિરૂધ્ધ કાર્યવાહિ કરી 51 લોકોને પક્ષમાંથી સસ્પેન્ડ કરવામાં આવ્યા છે. પાદરા નગરપાલિકાના 10 સદસ્યોને પણ સસ્પેન્ડ કરવામાં આવ્યા છે. ત્યારે ભાજપ દ્વારા વિધાનસભામાં અપક્ષ ઉમેદવારી કરનાર મધુ શ્રીવાસ્તવની પુત્રી નીલમ શ્રીવાસ્તવને પણ પક્ષમાંથી સસ્પેન્ડ કર્યા છે.
બે દિવસ પહેલા ભાજપ દ્વારા 12 કાર્યકરોને સસ્પેન્ડ કર્યા હતા
ભાજપ પક્ષ દ્વારા પક્ષ વિરૂધ્ધ કામગીરી કરનાર 12 કાર્યકરોને બે દિવસ પહેલા જ સસ્પેન્ડ કર્યા છે. જેમાં શહેરાના ખતુભાઈ પગી, લુણાવાડાના એસ.એમ. ખાંટ, જે.પી.પટેલ, ઉમરેઠમાં રમેશ ઝાલા, ખંભાતમાં અમરસિંગ ઝાલા, બાયડમાં ધવલસિંહ ઝાલા, ખેરાલુનાં રામસિંહજી ઠાકોર, ધાનેરાના માવજી દેસાઈ, ડીસાના લેબજી ઠાકોર સામે પ્રદેશ પ્રમુખે કાર્યવાહિ કરીને તેઓને પક્ષમાંથી સસ્પેન્ડ કરવામાં આવ્યા હતા.