ઈલેક્શન 2022 / ભાજપના ગઢમાં ગાબડું: રબારી-ઠાકોર સમાજના આગેવાનોએ આ પક્ષને આપ્યું સમર્થન, હિંમતનગરમાં રાજકીય ગરમાવો

• ભાજપના ગઢમાં ગાબડું
• 25થી વધુ કાર્યકરો જોડાયા કોંગ્રેસમાં
• હિંમનગર વિધાનસભામાં રાજકીય હલચલ

ગુજરાત વિધાનસભાની ચૂંટણીને લઈ દિવસે દિવસે રાજકારણ ગરમાયું છે. જેમ જેમ મતદાનની તારીખો નજીક આવી રહી છે તેમ તેમ રાજકીય માહોલ વધુને વધુ ગરમાતો જોવા મળી રહ્યો છે.  ચૂંટણીનો કાઉન્ટ ડાઉન ચાલી રહ્યાં છે જેને લઈ રાજકારણમાં પહલચહલ મચી છે. ચૂંટણી પ્રચારમાં અવાર-નવાર નિવેદનો પણ સામે આવી રહ્યાં છે તો બીજી તરફ પણ પક્ષપલટાની સિઝન પણ શરૂ થઈ છે. સાબરકાંઠામાં ભાજપના ગઢમાં ગાબડું પડ્યું છે. હિંમતનગર વિધાનસભામાં ભાજપના કાર્યકરો ભાજપ સાથે છેડો ફાડી કોંગ્રેસમાં જોડાયા છે 25થી વધારે કાર્યકર્તાઓએ કોંગ્રેસમાં જોડાઈ હિંમતનગરના વિધાનસભાના કોંગ્રેસ ઉમેદવારને સમર્થન આપ્યું છે. રબારી-ઠાકોર સમાજના આગેવાનોએ કોંગ્રેસને સમર્થન આપ્યું છે.

ભાજપના ગઢમાં ગાબડું
રાજ્યમાં ચૂંટણી પહેલા પક્ષપલટાનો નવો દોર શરૂ થયો છે. એક પક્ષમાંથી બીજા પક્ષમાં જોડવવાની મોસમ શરૂ પૂર જોશમાં જામી છે. નેતાઓ અને કાર્યકર્તા રાજકીય એક પક્ષમાંથી બીજા પક્ષમાં પલટું મારતા નજરે પડી રહ્યાં છે. આ બધાની વચ્ચે હિંમતનગરના વિવધ સમાજના આગેવાનોએ અને ભાજપના કાર્યકર્તાઓએ ભાજપને રામ રામ કહી કોંગ્રેસમાં જોડાયા છે. 25થી વધુ આગેવાન ભાજપમાંથી કોંગ્રેસમાં જોડાયા છે. અને જેમણે કોંગ્રેસના ઉમેદવાર કમલેશ પટેલને સમર્થન આપ્યું છે.

વસંત ખેતાણીનો ભાજપનો ખેસ ધારણ કરેલા ફોટા સામે આવ્યા
મહત્વનું છે કે, ગુજરાત વિધાનસભાની ચૂંટણીને હવે માત્ર બે જ દિવસ બાકી છે. ત્યારે તમામ રાજકીય પક્ષો દ્વારા રાજ્યમાં ચૂંટણીનો પ્રચાર-પ્રસાર ભારે વેગવંતો બન્યો છે. એવામાં કચ્છની અબડાસા બેઠકના આમ આદમી પાર્ટીના ઉમેદવાર વસંત ખેતાણીના ભાજપનો ખેસ ધારણ કરેલા ફોટા સામે આવ્યા છે. સૂત્રો દ્વારા મળતી માહિતી અનુસાર,ગમે ત્યારે વસંત ખેતાણી ભાજપને ટેકો કરવાની જાહેરાત કરી શકે છે.