રાજ્યમાં બે જગ્યાએ નેતાજીની કાળી કરતૂતો સામે આવી છે. જેમાં એક કેસમાં ભાજપ નેતા પર દુષ્કર્મનો આરોપ તો અન્ય એક કેસમાં કોંગ્રેસના કાઉન્સિલર જુગાર રમતાં ઝડપાયા
ખંભાતમાં ભાજપના કાર્યકર્તા પર વિરુદ્ધ દુષ્કર્મની ફરીયાદ
ફોટો-વીડિયો વાયરલ કરવાની ધમકી આપી દુષ્કર્મ આચર્યું હોવાનો આક્ષેપ
રાજ્યમાં તાજેતરમાં નેતાજીની કાળી કરતૂતો સામે આવી છે. વાત કરીએ તો ખંભાતમાં ભાજપમાં કાર્યકર્તા ઉપર એક મહિલાએ દુષ્કર્મની ફરિયાદ નોંધાવી છે. જેમાં ફોટો અને વીડિયો વાયરલ કરવાની ધમકી આપી દુષ્કર્મ આચર્યું હોવાનો આક્ષેપ થયો છે. આ તરફ આણંદમાં કોંગ્રેસના કાઉન્સિલર જુગાર રમતાં ઝડપાયા છે. પોલીસે કોંગ્રેસી કાઉન્સિલર સહિત 5 લોકોને જુગાર રમતા ઝડપી પાડ્યા છે.
ખંભાતમાં તાલુકા ભાજપના કાર્યકર વિરુદ્ધ દુષ્કર્મની ફરીયાદ નોંધાતા પંથકના રાજકારણમાં ગરમાવો આવી ગયો છે. વાત જાણે એમ છે કે, સ્થાનિક પરિણીતાએ ભાજપના તાલુકા પંચાયતના સભ્યનાં પતિ કેતન પટેલ( પપ્પુ પટેલ) સામે દુષ્કર્મની ફરિયાદ નોંધાવી છે. જેમાં ભાજપના કાર્યકરે ફોટો અને વીડિયો વાયરલ કરવાની ધમકી આપી દુષ્કર્મ આચર્યુ હોવાનો ગંભીર આક્ષેપ કરતાં હડકંપ મચી ગયો છે. વિગતો મુજબ પરિણીતાના પતિ, જેઠ અને સસરા હત્યા કેસમાં જેલમાં છે. આ તરફ પરિણીતાએ ખંભાત સીટી પોલીસ મથકે ભાજપના કાર્યકર વિરુદ્ધ દુષ્કર્મની ફરીયાદ નોંધાવી છે.
આણંદમાં કોંગ્રેસના કાઉન્સિલર જુગાર રમતા ઝડપાયા
આણંદ નગરપાલિકાના વૉર્ડ નંબર-3ના કાઉન્સિલર જુગાર રમતા ઝડપાતા હડકંપ મચી ગયો છે. કોંગ્રેસ કાઉન્સિલર રજ્જાક જુગાર રમતા ઝડપાયા છે. વિગતો મુજબ કાઉન્સિલર અને અન્ય 5 લોકો નાપાડ વાંટા ગામે જુગાર રમતા હતા. આ દરમ્યાન આણંદ ગ્રામ્ય પોલીસે જુગારધામ પર રેડ કરી હતી. જ્યાં રેડ દરમ્યાન કાઉન્સિલર રજ્જાક જુગાર સહિત 6 જુગારી રંગહથે ઝડપાઇ ગયા હતા. હાલ તો સમગ્ર મામલે પોલીસ ગુનો નોંધી વધુ તપાસ હાથ ધરી છે.