વાપી નગરપાલિકાની ચૂંટણીમાં ભાજપની જીત થઈ છે. જેમા 44માંથી કુલ 37 સીટો પર ભાજપનો વિજય થયો છે.
વાપી નગરપાલિકાની ચૂંટણીમાં ભાજપ જીત્યું
44માંથી 37 સીટો પર મેળવી જીત
ભાજપના કાર્યકરો અને પાર્ટીમાં આનંદનો માહોલ
વાપી નગરપાલિકાની ચૂંટણીમાં ભાજપનો ભગવો લહેરાયો છે, કુલ 44માંથી 37 બેઠકો પર ભાજપનો ભવ્ય વિજય થયો જેથી કાર્યકર્તા અને પાર્ટીમાં હાલ આનંદનો માહોલ છે. વોર્ડ નંબર 1,2,3,4,7,8,9, અને 10માં ભાજપનો વિજય થતા અહિયા કાર્યકર્તાઓ ઉત્સવ મનાવી રહ્યા છે. એકદંરે બધાજ વોર્ડમાં ભાજપની પેનલ જીતી ગઈ છે.
ગત ચૂંટણીમાં પણ કોંગ્રેસને માત્ર 3 બેઠક મળી હતી
આપને જણાવી દઈએ કે ગત ચૂંટણી પ્રમાણે જ આ ચૂંટણીના પરિણામ આવ્યા છે. વાપી નગરપાલિકામાં આ વખતે પણ કોંગ્રેસે 7 સીટો જીતી છે.ગત ચૂંટણી વખતે પણ કઈક આવુંજ પરિણામ હતું જેમા ભાજપને 41 અને કોંગ્રેસને 3 બેઠકો મળી હતી
નાણામંત્રી કનુ દેસાઈએ કરી ખાસ વાતચીત
વાપી નગરપાલિકામાં ભાજપની જીત થતા નાણામંત્રી કનુ દેસાઈએ વીટીવી સાથે ખાસ વાતચીત કરી જેમા તેમણે જણાવ્યું કે વાપી ભાજપ માટે ગઢ રહ્યો છે. સાથેજ તેમણે કહ્યું કે જે અપેક્ષા હતી તે પ્રમાણે જીત હાંસલ કરી છે અને કાર્યકર્તાઓની મહેનતને કારણે ભાજપ જીત્યુ છે. વધુમાં તેમણે કહ્યું કે 2022ની વિધાનસભા ચૂંટણીમાં ભાજપનો વિજય થશે. સાથેજ લોકસભામાં 26માંથી 26 બેઠકો ભાજપે જીતી જેનો ઉલ્લેખ કરતા નાણામંત્રી કનુદેસાઈએ એવું પણ કીધું કે વિઘાનસભામાં પણ 182 બેઠકો જીતવાનો તેઓ લક્ષ્યાંક રાખી રહ્યા છે.
44માંથી 40 સીટ પર મેળવ્યો વિજય
ઉલ્લેખનીય છે કે 2022માં ગુજરાતમાં વિધાનસભા ચૂંટણી યોજાવાની છે. જેથી વાપી નગરપાલિકાની જીત વાપી ભાજપ માટે ઘણી મહત્વની માનવામાં આવી રહી છે. કારણકે નગપાલિકાની ચૂંટણીની અસર વિધાનસભા ચૂંટણી પર પણ પડશે. જોકે આ ચૂંટણીમાં ભાજપે કુલ 37 સીટો જીતી છે. જ્યારે કોંગ્રેસે 7 સીટો જીતો છે. એટલે કે ગત ચૂંટણી કરતા આ ચૂંટણીમાં કોગ્રેસે વધારે સીટો જીતી છે.