ભાજપનો આંતરીક વિખવાદ ચમરસીમાએ હોવાનું બહાર આવ્યું છે. એમાંય જ્યારથી ગુજરાતના ભાજપ પ્રદેશ પ્રમુખ પદે C R Patil ની વરણી થઈ છે ત્યારથી ખાસ ભાજપમાં બે ફાંટા પડી ગયા હોવાની ભાજપમાં જ ચર્ચા છે. આવતીકાલે સૌરાષ્ટ્રની ભાજપ પ્રમુખની મુલાકાતમાં ભાજપ V/S ભાજપ એમ એક જ પક્ષના બે જૂથ સામ સામા આવી જવાની ચર્ચાએ ગાંધીનગર ગજવ્યુ છે. અને મામલો મુખ્યમંત્રી સુધી પહોંચે તેવી ચર્ચાએ જોર પકડ્યું છે. આવો જાણએ શું થે વાત?
મુખ્યમંત્રી સુધી પહોંચેલો છે આ મિલકત ખરીદીનો મામલો
આ મામલો પાટીલ પાસે મુકવા ભાજપનું એક જૂથ તૈયાર
આ મામલો હાલ જૂનાગઢના ભાજપના રાજકીય આગેવાનોમાં ચર્ચાનો વિષય
જૂનાગઢમાં આવતીકાલે ભાજપ પ્રદેશ અધ્યક્ષ સી.આર.પાટીલની મુલાકાત પર સૌની નજર છે. અને કેમ ન હોય તેનું એક કારણ પણ છે. સી.આર.પાટીલની મુલાકાતને લઇને ભાજપમાં આંતરિક ઘુઘવાટ જોવા મળી રહ્યોછે.
મુખ્યમંત્રી સુધી પહોંચેલો છે આ મિલકત ખરીદીનો મામલો
ભાજપના એક હોદ્દદારે પાર્ટીફંડમાંથી લીધેલા બ્લોક અને બંગલાનો મુદ્દો ઉછળી શકે છે. એટલું જ નહીં પરંતુ આ મિલકત ખરીદીનો મામલો મુખ્યમંત્રી સુધી પણ પહોંચે તેવી ગાંધીનગરમાં હાલ ચર્ચા છે. ભાજપનું એક જૂથ આ મામલે ટાંપીને બેઠુ છે અને નવા પ્રદેશ પ્રમુખને વહાલા થવા કે પછી અંદરો અંદર હરિફના પગ કાપવા માટે સૌરાષ્ટ્ર ભાજપનું જ એક જૂથ આ મામલો પ્રદેશ પ્રમુખ સામે મૂકવા તૈયાર થયું હોવાના ગણગણાટથી હાલ ગાંધીનગર ગાજી રહ્યું છે.