વડાપ્રધાન મોદીએ આજે સાંજે રાષ્ટ્રના નામે સંદેશ પાઠવ્યો અને લોકોને માસ્ક પહેરવાની સાથે સાથે કોરોના સામેની લડાઈમાં બેદરકારી ન રાખવા આગ્રહ કર્યો. પીએમ મોદીએ લોકોને સોશ્યલ ડીસ્ટન્સ જાળવવા અને સમય સમય પર સાબુથી હાથ ધોવા પણ હાંકલ કરી હતી. જોકે, તેમના આજના સંબોધનનો સોશિયલ મીડિયામાં વિરોધ પણ થયો છે.
પીએમ મોદીએ આપ્યો રાષ્ટ્રજોગ સંદેશ
ચૂંટણીમાં નેતાઓ દ્વારા થતાં નિયમ ભંગને લઈને વિફર્યા લોકો
સોશ્યલ મીડિયામાં ભાષણનો થયો ભારે વિરોધ, હેશટેગ થયા ટ્રેન્ડ
યુટ્યુબમાં થોડીક જ મિનીટમાં ભારે ડીસલાઈક થતાં ભાજપે તેમાં ડીસલાઈકનો આંકડો જ ગાયબ
જોકે પ્રધાનમંત્રી મોદીએ આ સંબોધનમાં ચૂંટણીમાં નેતાઓ માટે કોઈ સંદેશ ન આપતા લોકો ભડકી ઉઠ્યા છે. દેશમાં ઘણા રાજયોમાં પેટાચૂંટણીના પડઘમ વાગી રહ્યા છે અને બિહારમાં વિધાનસભા ચૂંટણીને લઇને બધી જ પાર્ટીઓ ધૂમ પ્રચાર કરી રહી છે.
કોરોના વાયરસના નિર્દેશ છતાં ઘણા બધા નેતાઓ લોકોને ભેગા કરી રહ્યા છે, જ્યાં કોરોના વાયરસના નિયમોના લીરેલીરા ઉડી રહ્યા છે. આ નેતાઓમાં ભાજપનાં પણ ઘણા બધા નેતાઓનો સમાવેશ થાય છે.
સોશ્યલ મીડિયામાં પીએમ મોદીના ભાષણની ટીકા થઇ રહી છે. ખાસ કરીને ટ્વિટરમાં પીએમ મોદીના ભાષણ બાદથી જ ભાષણના વિરોધમાં ઘણા બધા હેશટેગ ટ્રેન્ડ કરી રહ્યા છે.
આ સિવાય ભારતીય જનતા પાર્ટીના યુટ્યુબ એકાઉન્ટ પર પણ ડીસ્લાઈકનું બટન ભાષણની અમુક જ મિનીટ બાદ બંધ કરી દેવામાં આવ્યું. નોંધનીય છે કે પીએમ મોદીના આ ભાષણ પર યુટ્યુબના વીડિયોમાં ઘણા બધા લોકો ડીસ્લાઈક કરી રહ્યા હતા જે બાદ ભાજપે તાબડતોડ ડીસલાઈકના બટનને જ બંધ કરી દીધું. જોકે ભાજપે આ ડિસલાઇકના આંકડા દર્શાવવાના બંધ કર્યા તે પહેલાનો એક સ્ક્રીનશોટ ખૂબ વાયરલ થઇ રહ્યો છે.