ભારતીય જનતા પાર્ટીએ રાજસ્થાનમાં તેમના ધારાસભ્ય શોભા રાની કુશવાહાને કોંગ્રેસની તરફેણમાં ક્રોસ વોટિંગ કરવા બદલ સસ્પેન્ડ કરી દીધા છે.
રાજ્યસભાની ચૂંટણી માટે આજે મતદાન થયું હતું
રાજસ્થાનમાં 3 સીટ કોંગ્રેસે અને એક સીટ ભાજપે જીતી છે
ભાજપના ધારાસભ્યએ ક્રોસ વોટિંગ કરતા પાર્ટીએ બહારનો રસ્તો બતાવી દીધો
ભારતીય જનતા પાર્ટીએ રાજસ્થાનમાં તેમના ધારાસભ્ય શોભા રાની કુશવાહાને કોંગ્રેસની તરફેણમાં ક્રોસ વોટિંગ કરવા બદલ સસ્પેન્ડ કરી દીધા છે. મળતી માહિતી મુજબ, શોભા રાની પર રાજ્યસભા ચૂંટણીના વોટિંગ દરમિયાન કોંગ્રેસ પાર્ટીના ઉમેદવાર પ્રમોદ તિવારીના સમર્થનમાં મતદાન કરવાનો આરોપ છે. આવું કરવા બદલ પાર્ટીએ શોભા રાનીને પાર્ટીમાંથી હાંકી કાઢ્યા છે. શુક્રવારે બપોરે જ્યારે શોભા રાનીનો મત કોંગ્રેસના ઉમેદવારને ગયો ત્યારે ભાજપને લાગ્યું કે, આ કોઈ ટેકનિકલ સમસ્યાને કારણે થયું છે. જોકે શુક્રવારે રાત્રે જ ક્રોસ વોટિંગ માટે શોભા રાનીને પાર્ટીમાંથી હાંકી કાઢવાના સમાચાર આવ્યા હતા.
BJP suspends Rajasthan MLA Shobharani Kushwah for cross-voting in favour of Cong candidate Pramod Tiwari in RS elections: Party sources
રાજસ્થાનમાં શુક્રવારે રાજ્યસભાના મતદાનમાં કોંગ્રેસ પાર્ટીએ જીત મેળવી છે. કોંગ્રેસે ત્રણ બેઠકો કબજે કરી હતી, જ્યારે ભાજપને માત્ર એક બેઠક મળી હતી. રાજસ્થાનની એક સીટ પર કોકડુ ગુંચવાયું હતું. જેના પર સુભાષ ચંદ્રાએ ઉમેદવારી નોંધાવી હતી. ચંદ્રાના આગમન સાથે જ રાજસ્થાનની આ બેઠક પરની સ્પર્ધા ખૂબ જ રસપ્રદ બની ગઈ હતી. ચંદ્રા તરફથી પણ સતત જીતનો દાવો કરવામાં આવતો હતો. જો કે ચંદ્રાનો આ દાવો પોકળ સાબિત થયો અને કોંગ્રેસ પાર્ટીએ આ સીટ પોતાના નામે કરી લીધી હતી.