સમર્થન / આવી રીતે CAAનું સમર્થન કરાવશો? કાયદો સાચો હશે તો પણ ખોટો લાગશે

આ માટે આ નંબર ઉપર મિસ કોલ કરવાથી ફ્રી સેક્સ, જોબ, ફ્રી ઈન્ટરનેટ, નેટફ્લિસ સબ્સ્ક્રિપશન વગેરે અનેક વસ્તુઓ મળશે એવી ખોટી વાતો ફેલાવવામાં આવી રહી છે જેથી વધુમાં વધુ લોકો આ નંબર ઉપર મિસ કોલ કરે. આવી અફવામાં ફેલાવનાર લોકો પૈકી કેટલાક લોકો એવા પણ છે જેને નરેન્દ્ર મોદી, અમિત શાહ સહિતના લોકો ફોલો કરે છે. 

1. પવન દુરાની: આ વ્યક્તિએ ટ્વીટર ઉપર આ નંબરને સની લિયોની નો લાઈવ કોલિંગ નંબર અને આલિયા ભટ્ટ નો મોબાઈલ નંબર ગણાવ્યો હતો. આશ્ચર્ય જનક બાબત એ છે કે આ વ્યક્તિને નરેન્દ્ર મોદી પોતે ફોલો કરે છે. આ વ્યક્તિના 49 હજાર ફોલોઅર્સ છે.

2. સાકેત: આ વ્યક્તિએ ટ્વીટર ઉપર લખ્યું હતું કે આવનાર દિલ્હી ઈલેક્શનમાં અમિત શાહ અરવિંદ કેજરીવાલના સમર્થનમાં રહેશે. આ નિર્ણયના સમર્થનમાં આ નંબર ઉપર મિસ કોલ કરો. આ વ્યક્તિને નિર્મલા સીતારમણ ફોલો કરે છે.

3. કુંવર અજય પ્રતાપ સિંહ: આ વ્યક્તિએ લખ્યું હતું; મારો નંબર સેવ કરી લો અને મને કોલ કરો 8866288662. તેને pm મોદી અને અમિત શાહ બંને ફોલો કરે છે. 

4. નિક્કી: આ મહિલાએ પણ લખ્યું હતું: મારો નંબર સેવ કરી લો અને મને કોલ કરો 8866288662. તેને રેલવે મંત્રી પિયુષ ગોયલ અને સિલ્ક અને ટેક્સ્ટાઇલ મંત્રાલય ફોલો કરે છે. 

5. રજત: પોતાની જાતને મોદી ભક્ત કહેતા આ વ્યક્તિએ ટ્વીટર ઉપર પોસ્ટ કર્યું હતું; જો તમે ઇચ્છો છો કે CM યોગી આદિત્યનાથ રાજીનામું આપી દે તો આ નંબર ઉપર મિસ કોલ કરો. ખાદી અને ગ્રામોદ્યોગ મંત્રાલય તેને ફોલો કરે છે. 

6. બાબુ ભૈયા: આ વ્યક્તિએ એક છેતરપિંડી વાળી સ્કીમ આપતા કહ્યું હતું કે આ નંબર ઉપર કોલ કરો અને એમેઝોનથી 500 રૂપિયાનું ડિસ્કાઉન્ટ મળશે. એક નંબર ઉપર 10 કોડ મળશે અર્થ 5000 રૂપિયાનું ડિસ્કાઉન્ટ મળશે. આ વ્યક્તિની એક ટ્વીટ પહેલા નરેન્દ્ર મોદીએ રીટ્વીટ કરી હતી.

ભાજપે જે નંબર જાહેર કર્યો હતો તે છોકરીઓ અને આલિયા ભટ્ટના નામે વાયરલ થઈ રહ્યો છે, જાણો સમગ્ર મામલો