VIDEO / રાજકોટમાં ભાજપનો એક સમર્થક જીવના જોખમે ઝંડા સાથે 50 ફૂટ ઊંચા મોબાઈલ ટાવર પર ચડ્યો

• રાજકોટ મહાનગરપાલીકામાં ભાજપ-કોંગ્રેસ દ્વારા પ્રચંડ પ્રચાર
• મોબાઈલના ટાવર પર ભાજપનો ઝંડો 
• એક વ્યક્તિ ટાવર પર લગાવી રહ્યો છે ભાજપનો ઝંડો

સ્થાનિક સ્વરાજની ચૂંટણીમાં અનેક વિચિત્ર ઘટનાઓ જોવા મળતી હોય છે. તો રંગીલા રાજકોટમાં ભાજપનો એક સમર્થક 50 ફૂટ ઊંચા મોબાઈલ ટાવર પર ચડી ગયો હતો. અને ભાજપનો ઝંડો ફરકાવ્યો હતો. આ વીડિયો સોશિયલ મીડિયામાં પણ વાઈરલ થયો છે. રાજકોટના વોર્ડ-1ની આ ઘટના હોવાનું સામે આવી રહ્યું છે. જો કે, ગઈકાલે જ ભાજપના પ્રચાર દરમિયાન એક નોંધનિય ઘટના સામે આવી હતી. ભાજપ શહેર પ્રમુખ કમલેશ મિરાણીને જોઈ વૃદ્ધા રડી પડ્યા હતા. કમલેશ મિરાણી ચૂંટણી ન લડતા હોવાથી વૃદ્ધાએ કહ્યું કે, કમલેશ તું કેમ લડ્યો નહીં. પરંતુ તેના બીજા દિવસે એક કાર્યકર જોખમ સાથે મોબાઈલ ટાવર પર ચડી ગયો છે. 

મોબાઈલ ટાવર પર ચડીને ઝંડો ફરકાવવાની બાબતને લઈ લોકો અનેક ચર્ચા કરી રહ્યા છે. હાલમાં 26 જાન્યુઆરીના દિવસે લાલ કિલ્લા પર ખેડૂતોનું એક જૂથ્થ ધસી આવ્યું હતું. અને ત્યાં પણ એક યુવાને આંદોલનનો ઝંડો ફરકાવ્યો હતો. જેનો પણ વિરોધ થયો હતો. જોવામાં આવે તો, ઝંડો એક પ્રચારનું માધ્યમ છે. પરંતુ સમર્થકો અને આંદોલનકારીઓ તેને પોતાની વિજયપતાકા બનાવી રહ્યા છે. ઊંચાઈ પર ઝંડો ફરકાવી દેવાથી લોકોના કામ થઈ જતા નથી. જનતા માટે કામ પણ કરવું પડે છે.