નિવેદન / Video: ભાજપના દિગ્ગજ નેતાએ EVMને ગણાવ્યું 'હોલસેલ ફ્રોડ', તો દિગ્વિજયસિંહે સાંસદને આપી દીધી આ ઑફર

• EVM મશીનને લઇને ભાજપના સાંસદના નિવેદન પર કોંગ્રેસની ઑફર
• ઇલેક્ટ્રોનિક વોટિંગ મશીન એક હોલ સેલ ફ્રૉડ છે: ભાજપ સાંસદ સુબ્રમણ્યમ સ્વામી
• શું બેલેટ બૉક્સની વાપસી માટે તમે અમારા અભિયાનમાં અમારો સાથ આપશો?: રાજ્યસભા સાંસદ દિગ્વિજયસિંહ

કોંગ્રેસ નેતા અને રાજ્યસભા સાંસદ દિગ્વિજયસિંહે ભાજપ સાંસદ સુબ્રમણ્યમ સ્વામીને પૂછ્યું કે જો તમને લાગે છે કે ઈવીએમ એક હોલ સેલ ફ્રોડ છે તો શું બેલેટ બૉક્સની વાપસી માટે તમે અમારા અભિયાનમાં અમારો સાથ આપશો. નેતાએ આજે ટ્વિટ કર્યું, સુબ્રમણ્યમ સ્વામી જી શું તમને હજુ પણ લાગે છે કે ઈવીએમ એક હોલ સેલ ફ્રોડ છે? જો હા તો શું તમે બેલેટ બૉક્સની વાપસી માટે અમારા અભિયાનમાં અમારો સાથ આપશો?

જોકે, સુબ્રમણ્ય સ્વામી એક વીડિયોમાં કહેતા દેખાઇ રહ્યા છે કે જ્યારે દેશમાં બેલેટ સિસ્ટમ હતી ત્યારે અમારી પાસે તમામ પક્ષોના મતદાતા હતા. ઇલેક્ટ્રોનિક વોટિંગ મશીન એક હોલ સેલ ફ્રૉડ છે.

Subramanian Swamy ji do you still believe EVM is a “Whole Sale Fraud?” If so would you please join us on our Campaign to go back to Ballot Box? pic.twitter.com/Fb00VXZXRj

— digvijaya singh (@digvijaya_28) April 3, 2021

જણાવી દઇએ કે આસામ ભાજપ ધારાસભ્ય કુષ્ણેંદુ પૉલના પત્નીના નામથી દાખલ કારમાં ઈવીએમ મળી આવ્યા બાદ ચૂંટણી પંચે પ્રિસાઇડિંગ ઑફિસર અને ત્રણ અન્ય અધિકારીઓને સસ્પેન્ડ કરી દીધા અને સ્પેશિયલ ઑબ્ઝરવરથી રિપોર્ટ માંગ્યો છે.

આયોગે જણાવ્યું કે, હાઇવે-8 એવો રસ્તો છે જે જિલ્લાના દુર્ગમ વિસ્તારોને કરીમગંજથી જોડે છે. મતદાનનો દિવસ હતો અને સાંજે 6 વાગ્યે મતદાન બંધ થઇ ગયું. અંદાજિત 1300 વાહન આ રસ્તાથી એક સાથે પરત ફર્યા હતા. ખરાબ હવામાનને લઇને રસ્તામાં ટ્રાફિક જામ હતો.

આયોગે જણાવ્યું કે, જ્યારે પોલિંગ ટીમ નીલમ બજારની પાસે પહોંચી, તો રાત્રે અંદાજિત 9 વાગ્યે તેમની ગાડી ખરાબ થઇ ગઈ. ભારે ભીડ અને ખરાબ હવામાનને લઇને પાર્ટી પોતાના કાફલાથી અલગ થઇ ગઇ.

ટીમે વાહનથી ઉતરીને પોતાના મોબાઇલ પર સેક્ટર અધિકારીને ફોન કર્યો અને તેમને માહિતગાર કર્યા. જ્યારે સેક્ટર અધિકારી એક વૈકલ્પિલ વાહનની વ્યવસ્થા કરી રહ્યા હતા, ત્યારે પોલિંગ પાર્ટી ખુદ એક વાહનની વ્યવસ્થા કરવાનો નિર્ણય કર્યો. જે વાહનની વ્યવસ્થા કરવામાં આવી તે ભાજપના ધારાસભ્યના પત્નીની કાર હતી.