ચૂંટણી પ્રચાર સમયે રાજકીય પક્ષો દ્વારા કરોડો રૂપિયાનો ખર્ચો કરવામાં આવતો હોય છે. જેમા જો માત્ર ભાજપની જ વાત કરીએ તો ભાજપ દ્વારા છેલ્લા 5 વર્ષમાં 3500 કરોડનો ખર્ચો કરવામાં આવ્યો છે.
રાજકીય પક્ષોએ ચૂંટણી પ્રચારમાં કરોડોનો ખર્ચો કર્યો
2019ની લોકસભા ચૂંટણીમાં 60 હજાર કરોડનો ખર્ચો
આ વર્ષે ઉત્તરપ્રદેશમાં 4 હજાર કરોડનો ખર્ચો
ચૂંટણીના પ્રચારને લઈને રાજકીય પક્ષો દ્વારા મોટા પાયે ખર્ચો કરવામાં આવતો હોય છે. ચૂંટણી પંચ દ્વારા ઉમેદવાર કેટલો ખર્ચ કરી શકે તેવી મર્યાદા તો રાખવામાં આવી છે. પરંતું રાજકીય પક્ષો દ્વારા પાણીની જેમ ખર્ચો કરવામાં આવે છે. સેંટર ફોર મીડિયા સ્ટડીઝના અનુમાન પ્રમાણે 2019માં લોકસભા ચૂંટણી વખતે કુલ 60 હજાર કરોડનો ખર્ચો થયો હતો અને તેની પહેલા 2014ની ચૂંટણી સમયે 30 હજર કરોડનો ખર્ચો કરવામાં આવ્યો હતો.
2019માં 191 કરોડ જપ્ત થયા
આ વર્ષે માત્ર ઉત્તરપ્રદેશમાં 4 હજાર કરોડનો ખર્ચ થયો હોવાનું અનુમાન છે. ખરેખરમાં જે રૂપિયાનો ઉપયોગ થાય છે તે પાછળના દરવાજેથી આવતું હોય છે અને આજ કારણ છે કે ચંટણી સમયે કરોડો રૂપિયાની રોકડ રકમ ઝડપાતી હોય છે. 2014ની ચૂંટણી વખતે યુપીમાં 20 કરોડ રૂપિયા જપ્ત કરવામાં આ્યા હતા. 2019ની ચૂંટણી વખતે 191 કરોડ રૂપિયા જપ્ત કરવામાં આવ્યા હતા. તો 2017ની વિધાનસભા ચૂંટણી વખતે 115 કરોડ રૂપિયા જમા કરવામાં આવ્યા હતા.
5 વર્ષમાં ભાજપે 3,585 રૂપિયા ખર્ચયા
જો ભાજપની વાત કરવામાં આવે તો 5 વર્ષમાં ભાજપ દ્વારા 3,585 કરોડ રૂપિયાનો ખર્ચ કરવામાં આવે છે. જ્યારે કોંગ્રેસ દ્વારા 1,405 કરોડનો ખર્ચો કરવામાં આવ્યો છે. આ આંકડો 2015-16 થી લઈ 2019-20 સુધીનો છે.
સૌથી મોટો સોર્સ ચૂંટણી બોન્ડ
રાજકીય પક્ષોનો સૌથી મોટો સોર્સ ચૂંટણી બોન્ડ હોય છે. જે બેંક દ્વારા મળે છે. તે સિવાય ડોનેશન , ક્રાઉડ ફંડિગ અને મેંબરશિપથી આવનારી રકમ પણ રાજકીય પાર્ટીઓની કમાણીનો સૌથી મોટો સોર્સ હોય છે. ઉપરાંત કોર્પોરેટ ડોનેશન દ્વારા પણ પાર્ટીઓની કમાણી થાય છે. જેમા મોટા કારોબારીઓ પાર્ટીઓને ડોનેશન આપે છે.
2021માં ભાજપે 252 કરોડ ખર્ચ્યા
ઉલ્લેખનીય છે કે 2021માં પશ્ચિમ બંગાળ, અસમ, કેરલ, તમિલનાડું અને પોંડીચેરીમાં વિધાનસભા ચૂંટણી થઈ હતી. જે ચૂંટણીમાં પાર્ટીઓએ કરોડો રૂપિયા ખર્ચ કર્યા હતા. જેમા માત્ર ભાજપ દ્વારાજ 252 કરોડનો ખર્યો કરવામાં આવ્યો હતો. બીજા નંબરે તૃણમૂલ કોંગ્રેસ હતી જેણે 154 કરોડનો ખર્ચો કર્યો હતો. સાથેજ કોંગ્રેસ દ્વારા પણ 85 કરોડનો ખર્ચ કરવામાં આવ્યો હતો.