રાજસ્થાનમાં રાજ્યપાલ અને સરકાર વચ્ચે ચાલી રહેલ ભારતીય જનતા પાર્ટીએ દાવો કર્યો છે કે, રાહુલ ગાંધી દેશમાં નથી. ભાજપ પ્રવક્તા સંબિત પાત્રાએ દાવો કર્યો છે કે, રાહુલ ગાંધીનો એક વીડિયો તૈયાર કરી લેવામાં આવ્યો છે અને તેના ટુકડા કરીને વીડિયો રિલીઝ કરવામાં આવે છે.
રાજસ્થાન સંકટ વચ્ચે ભાજપ નેતાનો મોટો દાવો
રાહુલ ગાંધી દેશમાં નહીં પરંતુ વિદેશમાં છે
જો ભારતમાં હોય તો રાજસ્થાન વિશે વીડિયો જાહેર કરે
સંબિત પાત્રા આ સાથે ઓછા શબ્દમાં રાહુલ ગાંધીને સંબોધન કરતા જણાવ્યું કે, જો તમે વિદેશમાં નહીં પરંતુ દેશમાં હોવ તો આવતીકાલે તમે રાજસ્થાનને લઇને એક વીડિયો જાહેર કરો. હું આપને પડકાર ફેંકી રહ્યો છું. ભાજપ પ્રવક્તાએ પોતાના દાવાના સમર્થનમાં તર્ક પણ આપ્યો કે, રાહુલ ગાંધી જો દેશમાં છે તો તેમણે એક વીડિયો જાહેર કરીને કહેવું જોઇએ કે, સચિન પાયલટ અને અશોક ગેહલોતને સાથે બેસાડીને સમજાવી દઉં છું.
સંબિત પાત્રાનો રાહુલને લઇને દાવો
સંબિત પાત્રાએ કહ્યું કે, જો રાહુલ ગાંધી દેશમાં હોત, તો અશોક ગેહલોતે તેમના નામે પત્ર લખવો જોઈએ. પરંતુ ગેહલોત પીએમ મોદીને પત્ર લખીને પીએમ મોદીને ફોન કરી રહ્યા છે. તેમણે કહ્યું કે, જો રાહુલ ગાંધી દેશમાં છે, તો કોંગ્રેસના પ્રવક્તાને કહેવું જોઈએ કે તેઓ ક્યાં છે? કોંગ્રેસના પ્રવક્તા અખિલેશ પ્રતાપસિંહે કહ્યું કે જો રાજસ્થાન પર સવાલ પૂછવામાં આવે તો ભાજપ બંધારણથી ભાગવાનું શરૂ કરી રહ્યું છે.
રાજસ્થાનમાં ચાલી રહ્યું છે રાજકીય ઘમાસાણ
મહત્વનું છે કે, રાજસ્થાનના મુખ્યમંત્રી અશોક ગેહલોત વિધાનસભા સત્ર બોલાવવા માંગ કરી રહ્યા છે. તે જ સમયે, રાજ્યપાલ કલરાજ મિશ્રા વારંવાર સત્ર બોલાવવા ગેહલોતની માંગને નકારી રહ્યા હતા જો કે, સોમવારે મોડી સાંજે તેમણે ગેહલોતને વિધાનસભા સત્ર બોલાવવાની શરતી મંજૂરી આપી હતી.