અમદાવાદ જિલ્લામાં ભાજપનો ભગવો લહેરાયો; અમદવાદમાં 21માંથી 19 બેઠકો ભાજપને ફાળે, દાણીલીમડા, જમાલપુર ખાડિયા બેઠક પર કોંગ્રેસની જીત
અમદાવાદ જિલ્લામાં ભાજપનો ભગવો લહેરાયો
અમદવાદમાં 21માંથી 19 બેઠકો ભાજપને ફાળે
દાણીલીમડા, જમાલપુર ખાડિયા બેઠક પર કોંગ્રેસની જીત
ગુજરાત ટ્રેન્ડમાં ભાજપ ફરી એકવાર પૂર્ણ બહુમતી તરફ આગળ વધી રહ્યું છે. એગ્ઝીટ પોલના આંકડાઓ મુજબ ભાજપ જોરદાર રીતે જીતે છે. કેટલીક બેઠકોના પરિણામો આવી ગયા છે જેમાં ભાજપનો વિજય થયો છે. અમદાવાદ જિલ્લામાંની વાત કરીએ તો અહીં કમળ ખીલી રહ્યું હોય તેવું અત્યારના આંકડા બતાવી રહ્યાં છે. અમદવાદ શહેર અને જિલ્લાની 21માંથી 19 બેઠકો ભાજપને ફાળે છે. ફક્ત દાણીલીમડા અને જમાલપુર ખાડિયા બેઠક પર કોંગ્રેસની જીત થઈ છે.
અમદાવાદ જિલ્લામાં ભાજપનો ભગવો લહેરાયો
અમદવાદ શહેર અને જિલ્લાની 21માંથી 19 બેઠકો ભાજપને હવાલે ગઈ છે. ફક્ત દાણીલીમડા અને જમાલપુર ખાડિયા બેઠક પર કોંગ્રેસની જીત થઈ છે જ્યારે દરિયાપુર બેઠક પર ભાજપના કૌશિક જૈનની જીત તો અસારવા બેઠક પર ભાજપના દર્શનાબેન વાઘેલાની જીત થઈ છે. નરોડા બેઠક પર ભાજપના પાયલ કુકરાણીની જીત થઈ જ્યારે વિરમગામ બેઠક પર ભાજપના હાર્દિક પટેલની જીત થઈ છે જ્યારે દસક્રોઈ બેઠક પર ભાજપના બાબુ જમના પટેલની જીત તો બીજી તરફ સાણંદ બેઠક પર ભાજપના કનુ પટેલની જીત થઈ છે નિકોલની વાત કરીએ તો જગદીશ વિશ્વકર્મા જેઓ ભાજપના ઉમેદવાર તેમની જીત થઈ છે. ધોળકા બેઠક પર ભાજપના કિરીટસિંહ ડાભીની જીત થઈ છે ધ્રાંગધ્રા બેઠક પર ભાજપના કાળુ ડાભીની જીત તો બીજી તરફ ઘાટલોડિયા બેઠક પર મુખ્યમંત્રી ભૂપેન્દ્ર પટેલની જીત થઈ છે.
અમદાવાદમાં આ ઉમેદવાર જીત્યા
નારણપુરા બેઠક પર ભાજપના જીતેન્દ્ર પટેલની જીત થઈ છે. જ્યારે સાબરમતી બેઠક પર ભાજપના હર્ષદ પટેલની જીત થઈ છે જ્યારે વેજલપુર બેઠક પર ભાજપના અમિત ઠાકરની અને વટવા બેઠક પર બાબુસિંહ જાધવનો વિજય થયો છે. એલિસબ્રિજ બેઠક પર ભાજપના અમિત શાહનો વિજય જ્યારે મણીનગર બેઠક પર ભાજપના અમૂલ ભટ્ટની જીત થઈ છે. ઠક્કરબાપાનગર બેઠક પર ભાજપના કંચનબેન રાદડિયા જીત થઈ છે જ્યારે અમરાઈવાડી બેઠક પર ભાજપના ડો.હસમુખ પટેલની જીત થઈ છે. બાપુનગર બેઠક પર ભાજપના દિનેશસિંહ કુશવાહ જીત અને દાણીલીમડાથી કોંગ્રેસના શૈલષ પરમારની જીત થઈ છે જ્યારે જમાલપુર ખાડિયામાં કોંગ્રેસના ઈમરાન ખેડાવાલાની જીત થઈ છે.