રાફેલ મુદ્દે આક્ષેપો પર ભાજપની પ્રતિક્રિયા પાત્રાએ કહ્યું- ' રાહુલ ગાંધી દેશની સુરક્ષાને ખતરામાં નાખી રહ્યા છે'

નવી દિલ્હીઃ રાફેલ ડીલ પર કોંગ્રેસ અધ્યક્ષ રાહુલ ગાંધીએ કેન્દ્ર સરકાર પર આકરા પ્રહારો કર્યા હતા. રાહુલે દેશના પીએમ મોદીને ભ્રષ્ટ કહ્યા હતા. સાથે જ દેશની રક્ષા મંત્રી નિર્મલા સીતારમણ પર અચાનક ફ્રાંસ જવાને લઇને સવાલો ઉભા કર્યા હતા. રાહુલની પ્રેસ કોન્ફરન્સના થોડા સમય બાદ ભાજપના પ્રવક્તા સંબિત પાત્રાએ પણ પ્રેસ કોન્ફરન્સ કરી રાહુલના સવાલોના જવાબ આપતા તેમના પર પ્રહારો કર્યા હતા.

પાત્રાએ કહ્યું કે ખોટા અને કપટથી દેશમાં ભ્રમ ફેલાવીને રાહુલ ગાંધી પોતાની રાજકીય ઇમારત બનાવવાના પ્રયત્નો કરે છે. રાહુલ ગાંધી પોતાને SCથી ઉપર માને છે. આખો ગાંધી પરિવાર ભ્રષ્ટ છે. રાહુલ રાષ્ટ્રીય સુરક્ષા સાથે મજાક કરી રહ્યા છે. દેશની રક્ષાને જોખમમાં મુકી રહ્યા છે.
 

झूठ और फरेब के आधार पर देश में भ्रांति फैलाकर राहुल गांधी अपनी राजनीतिक इमारत बनाने की कोशिश कर रहें है : डॉ. @sambitswaraj #GappuPappu pic.twitter.com/PwVBlNbIEG

— BJP (@BJP4India) October 11 2018

સંબિત પાત્રાએ વધુમાં કહ્યું કે એર ચીફ માર્શલ બી એસ ધનોઆએ રાફેલ ડીલને ગેમ ચેન્જર ડીલ બતાવી છે ત્યારે બીજી તરફ રાહુલ ગાંધી આના વિપરીત નિવેદન આપી રહ્યા છે. હવે દેશની જનતા નક્કી કરે કે તેઓ કોના પર વિશ્વાસ કરશે એર ચીફ માર્શલ બી એસ ધનોઆ પર કે રાહુલ ગાંધી પર.

દેશની સુરક્ષાની સાથે જે ષડયંત્ર કરશે તેને સૌની સામે લાવવામાં આવશે. સંબિત પાત્રાએ સ્પષ્ટ કહ્યું કે રાહુલ ગાંધી પોતાની જાતને દેશની સુપ્રિમ કોર્ટ સમજે છે ભારત અને ફ્રાંસની સરકાર અને સાથે જ એર ચીફ માર્શલથી પણ મોટા સમજીને દેશની સુરક્ષા સાથે મજાક કરી રહ્યા છે.  રાહુલ ગાંધી દેશની સુરક્ષાને ખતરામાં નાખી રહ્યા છે.