પ્રદેશ પ્રમુખ જીતુ વાઘાણીની ઉપસ્થિતિમાં અમરેલી ખાતે યોજાયું ભાજપનું શક્તિ સંમેલન

અમરેલી: લોકસભાની ચૂંટણી પૂર્વે અમરેલી જિલ્લામાં ભાજપનું શક્તિ સંમેલન યોજાયું છે. ભાજપના પ્રદેશ પ્રમુખ જીતુ વાઘાણીએ આ સંમેલનમાં ખાસ હાજરી આપી છે.

પ્રદેશ પ્રમુખ ઉપરાંત કેન્દ્રીય મંત્રી પુરુષોત્તમ રૂપાલા તથા દિલીપ સંઘાણીએ વિપક્ષના નેતા પરેશ ધાનાણીના ગઢમાં જ ભાજપનું શક્તિ પ્રદર્શન કરી સંગઠનની એકતા દર્શાવી છે.

ક્લસ્ટર સંમેલનનું કરાયું છે આયોજન
આગામી લોકસભાની ચૂંટણીને લઈ ભાજપ અને કોંગ્રેસ એમ બંને પક્ષો દ્વારા પૂરા જોરશોરથી તૈયારીઓ શરૂ કરી દેવામાં આવી છે. ત્યારે ભાજપે તો ચૂંટણીલક્ષી તૈયારીઓનાં શ્રીગણેશ પણ કરી નાખ્યાં છે. ભાજપ દ્વારા ગુજરાતમાં ક્લસ્ટર સંમેલનનું આયોજન કરવામાં આવ્યું છે. 
 

કેન્દ્રીય મંત્રીશ્રી @PRupalaજીની ઉપસ્થિતિમાં અમરેલી અને ભાવનગર લોકસભા બેઠકોનું ક્લસ્ટર સંમેલન યોજાયુ. ક્લસ્ટર સંમેલનમાં લોકસભા મતવિસ્તારના પ્રભારીશ્રીઓ શક્તિકેન્દ્રના ઇન્ચાર્જ-પ્રભારીશ્રીઓ બોર્ડ-નિગમના પદાધિકારીશ્રીઓ તથા પૂર્વ સાંસદ-ધારાસભ્યશ્રીઓ સહિત કાર્યકરો ઉપસ્થિત રહ્યા હતા. pic.twitter.com/ybl0bhnxYv

— Jitu Vaghani (@jitu_vaghani) February 20 2019

સુરેન્દ્રનગર ખાતે યોજાનારા આ સંમેલનમાં સુરેન્દ્રનગર કચ્છ અને રાજકોટની બેઠક માટે ચર્ચા વિચારણા કરવામાં આવશે. તો આ સંમેલનમાં હાજરી આપવા માટે ગુજરાત ભાજપનાં પ્રભારી ઓ.પી. માથુર અને મધ્યપ્રદેશના પૂર્વ મુખ્યમંત્રી શિવરાસિંહ ચૌહાણ ગુજરાત આવી પહોંચ્યાં છે.

ભાજપનું ઘર અભિયાન
અમિત શાહે અમદાવાદ ખાતેના સત્તાવાર નિવાસ સ્થાનેથી ભાજપનું ઘર અભિયાનનો પ્રારંભ કરાવ્યો હતો. ભાજપના રાષ્ટ્રીય અધ્યક્ષ અમિત શાહના નિવાસસ્થાને CM રૂપાણી નાયબ મુખ્યમંત્રી નીતિન પટેલ તથાં પક્ષના અન્ય દિગ્ગજ નેતાઓ ખાસ હાજર રહ્યા હતા.