IPLIN
 

જાહેરાત / ભાજપે જાહેર કરી રાજ્ય પ્રભારીઓની યાદી, જાણો ગુજરાત ભાજપની જવાબદારી કોને સોંપાઇ

Team VTV 10:27 PM, 13 Nov 20 | Updated: 10:28 PM, 13 Nov 20
Follow us
bjp president jp nadda released states in charge list

ભાજપના અધ્યક્ષ જે.પી. નડ્ડાએ શુક્રવારે રાજ્યના પ્રભારીઓની યાદી જાહેર કરી છે. ભૂપેન્દ્ર યાદવને બિહાર વિધાનસભા ચૂંટણી અને ગુજરાત પેટાચૂંટણીમાં પાર્ટીના સારા પ્રદર્શનનું ઇનામ મળ્યું છે. તેમને ફરી બિહાર અને ગુજરાતના પ્રભારી બનાવાયા છે.

  • ભાજપે જાહેર કરી રાજ્ય પ્રભારીઓની યાદી
  • ભૂપેન્દ્ર યાદવ બિહાર અને ગુજરાતના પ્રભારી બનાવાયા
  • વિજયવર્ગીયને પશ્ચિમ બંગાળના પ્રભારી બનાવાયા

ત્યારે, કૈલાશ વિજયવર્ગીયને ફરી એક વખત પશ્ચિમ બંગાળના પ્રભારી બનાવાયા છે. જણાવી દઇએ કે, કૈલાશ વિજયવર્ગીય હાલના સમયમાં બંગાળના પ્રભારી છે. તેમણે લોકસભા ચૂંટણીમાં રાજ્યમાં ભાજપને બંપર સફળતા અપાવી હતી. કૈલાશ વિજયવર્ગીયના પ્રભારી રહેતા ભાજપ 2019ની લોકસભા ચૂંટણીમાં બંગાળમાં 18 બેઠકો જીતી. ત્યારે, પશ્ચિમ બંગાળમાં આગામી વર્ષે વિધાનસભા ચૂંટણી થશે. આ ધ્યાનમાં રાખતા પાર્ટીએ એક વખત ફરી તેમને જવાબદારી સોંપી છે.

ત્યારે, ભાજપના પૂર્વ મહાસચિવ રામ માધવને કોઇપણ પ્રદેશના પ્રભારની જવાબદારી નથી આપવામાં આવી. પહેલા તેમની પાસે મણિપુર અને જમ્મુ કાશ્મીરના પ્રભારી હતા. આ સિવાય મહાસચિવ અનિલ જૈન અને સરોજ પાંડેયને પણ કોઇ પ્રદેશની જવાબદારી નથી સોંપવામાં આવી.

સંબિત પાત્રાને મણિપુરની જવાબદારી

ટીવી પર પાર્ટીનો પક્ષ રાખનારા પ્રવક્તા સંબિત પાત્રાને મણિપુરની જવાબદારી સોંપવામાં આવી છે. ત્યારે મહાસચિવ મુરલીધર રાવને મધ્યપ્રદેશની જવાબદારી આપવામાં આવી છે. આ સિવાય રાધામોહનસિંહને ઉત્તરપ્રદેશ, નલિન કોહલીને નાગાલેન્ડ, અરૂણસિંહને પંજાબ, વિનોદ સોનકરને ત્રિપુરાની જવાબદારી સોંપવામાં આવી છે.

bjp president in charge ભાજપ પ્રભારી
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ