IPLIN
 
  • Home
  • India
  • bjp president election jp nadda elected new party president replaces amit shah

વરણી / અમિત શાહના સ્થાને જેપી નડ્ડાની ભાજપ અધ્યક્ષ તરીકે વરણી

Team VTV 03:06 PM, 20 Jan 20 | Updated: 03:26 PM, 20 Jan 20
Follow us
bjp president election jp nadda elected new party president replaces amit shah

જેપી નડ્ડાને ભાજપના નવા અધ્યક્ષ નીમવામાં આવ્યા છે. પાર્ટીના રાષ્ટ્રીય ચૂંટણી અધિકારી રાધામોહન સિંહે જેપી નડ્ડાના અધ્યક્ષ બનવાની જાણકારીની જાહેરાત કરી. અધ્યક્ષ પદ માટે જેપી નડ્ડા સહિત અન્ય કોઈએ નામાંકન ભર્યું ન હતું. જેના કારણે તેમની અધ્યક્ષ સ્થાને નીમણૂંક કરવામાં આવી છે.

  • ભાજપના નવા રાષ્ટ્રિય અધ્યક્ષની નીમણૂંક
  • જેપી નડ્ડા નિમાયા નવા ભાજપ અધ્યક્ષ
  • રાધામોહન સિંહે કરી જાહેરાત

 

સોમવારે ભાજપના નેતાઓએ જેપી નડ્ડાની સરળતાની પ્રશંસા કરી હતી અને વિશ્વાસ વ્યક્ત કર્યો હતો કે તેમના વિશાળ સંગઠન અનુભવથી પાર્ટીને ફાયદો થશે અને પાર્ટી તેમના નેતૃત્વમાં સારી કામગીરી કરશે. કેન્દ્રીય પ્રધાન રવિશંકર પ્રસાદે કહ્યું કે તેઓ હંમેશાં એક પ્રેરક કાર્યકર રહ્યા છે.

ગુજરાતના મુખ્યમંત્રી વિજય રૂપાણીએ આપ્યું નિવેદન

ગુજરાતના મુખ્યમંત્રી વિજય રૂપાણીએ કહ્યું કે શાહના નેતૃત્વ હેઠળની પાર્ટી સંગઠન મજબૂત સ્થિતિમાં છે અને ભવિષ્યમાં ભાજપ માટે વધુ સફળતા મળે તે માટે નડ્ડા કાર્ય કરશે. 

અમારા દરેકને માટે મહત્વનો દિવસઃ મલ્લિકા નડ્ડા

જેપી નડ્ડાની પત્ની મલ્લિકાએ કહ્યું, 'અમારા બધા માટે ખૂબ જ મહત્વપૂર્ણ દિવસ છે. કુટુંબ, બિલાસપુર અને આપણા હિમાચલ પ્રદેશ સહિત દરેક વ્યક્તિ આજે ખૂબ જ ખુશ છે કારણ કે આટલા નાના રાજ્યમાંથી વ્યક્તિને આપવામાં આવતી મોટી જવાબદારી છે.

હવે નડ્ડાના હાથમાં ભાજપની કમાન

હિમાચલ પ્રદેશમાં રાજ્યસભા સાંસદ જેપી નડ્ડાને ગયા વર્ષે પાર્ટીના કાર્યકારી અધ્યક્ષ બનાવી દેવામાં આવ્યા હતા. હવે તેમને પાર્ટીની કમાન સંપૂર્ણ રીતે આપવામાં આવશે. ભાજપ એક વ્યક્તિ - એક પદના નિયમ પર આગળ વધવાની વાત કરે છે કારણ કે ગૃહમંત્રી અમિત શાહ હવે અઘ્યક્ષ પદની જવાબદારી સંભાળશે નહીં. 

અમિત શાહનો કાર્યકાળ પૂરો

2014ની લોકસભાની ચૂંટણીમાં વિરાટ જીત બાદ પાર્ટીની કમાન સંભાળનારા અમિત શાહની અધ્યક્ષતામાં ભાજપે અનેક ઊંચાઈઓ આંબી છે. સતત વિધાનસભાની ચૂંટણીમાં જીત, 2019ની લોકસભા ચૂંટણીમાં જીતના કારણે અમિત શાહને હાલના ચાણક્ય કહેવામાં આવે છે. એવામાં લગભગ સાડાપાંચ વર્ષનો કાર્યકાળ પૂરો થઈ રહ્યો છે અને જેપી નડ્ડાની સામે ચેલેન્જ રહેશે કે તેઓ અમિત શાહની જગ્યા ભરી શકે. 

અનેક દિગ્ગજ નેતાઓ રહેશે હાજર

નામાંકન સમયે બીજેપી મુખ્યાલયમાં પાર્ટીના અનેક નેતાઓ હાજર રહેશે. કેન્દ્રીય મંત્રી, રાજ્યના મુખ્યમંત્રી, મોટા નેતા આ સમયે ભાજપ મુખ્યાલયમાં હાજર રહેશે. આજે નામાંકન થશે અન્ય કોઈ ઉમેદવાર નહીં હોય તો મોડી સાંજ સુધી અધ્યક્ષ પદનું એલાન કરી દેવામાં આવશે.

ક્યારે કોના હાથમાં રહી ભાજપની કમાન?   

નામ                                ટર્મ     

અટલ બિહારી વાજપેયી     1980-86 
એલ.કે. અડવાણી              1986-91
મુરલી મનોહર જોષી          1991-93
એલ.કે. અડવાણી             1993-98
કુશાભાઉ ઠાકરે                1998-2000
બંગારુ લક્ષ્મણ                 2000-01
જન કૃષ્ણમૂર્તિ                  2001-02
વેંકૈયા નાયડૂ                    2004-05
રાજનાથસિંહ                   2005-09
નીતિન ગડકરી                 2009-13
રાજનાથસિંહ                   2013-14
અમિત શાહ                    2014-20

BJP President JP Nadda amit shah અમિત શાહ જેપી નડ્ડા ભાજપ અધ્યક્ષ વરણી
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ