ચૂંટણી / એર સ્ટ્રાઇક બાદ પાકિસ્તાનની સાથે કોંગ્રેસ-RJDની ઓફિસોમાં માતમ હતોઃ અમિત શાહ

ભાજપના અમિત શાહ બિહારમાં જનસભા સંબોધિ હતી. તેમણે આ સભામાં કહ્યું હતુ કે, પાકિસ્તાન તરફથી આવતી ગોળીઓનો જવાબ ગોળાથી આપવામાં આવશે. વોટબેંક માટે ભાજપની સરકાર દેશની સુરક્ષા સાથે ક્યારેય રમત નહીં રમે. દેશને સુરક્ષિત કરવાનું કામ મોદી સરકારે કર્યુ છે. એર સ્ટ્રાઈક પછી બે જગ્યાએ માતમ હતો. પહેલો માતમ પાકિસ્તાનમાં અને બીજો માતમ કોંગ્રેસ-RJDની ઓફિસોમાં હતો.

રાહુલ ગાંધી અને લાલુ-રાબડીના ચેહરા પર ઉદાસી જોવા મળતી હતી. શાહે રવિવારે JDUના ઉમેદવાર સુનીલકુમાર પિન્ટુના પક્ષમાં સીતામઢીથી ચૂંટણી રેલીને સંબોધિત કરી હતી. પઠાણકોટ અને પુલવામાનો બદલો ઘરમાં ઘૂસીને લેવામાં આવ્યો છે.

કોંગ્રેસ પર પ્રહાર કરતા અમિત શાહે જોરદાર આક્ષેપ કર્યા હતા. તેમણે કહ્યું કે, કોંગ્રેસની સરકારમાં પાકિસ્તાનમાંથી આતંકીઓ ઘૂસતા હતા અને જવાનોના માથા કાપીને લઈ જતા હતા. સરકારે કોઈ જ કાર્યવાહી ન કરી. અમારી સરકારમાં પાકિસ્તાને પઠાણકોટ અને પુલવામામાં હુમલો કર્યો તો અમે દુશ્મનના ઘરમાં ઘૂસીને તેમને પાઠ ભણાવ્યો. સર્જિકલ અને એર સ્ટ્રાઈકથી જવાનોની શહાદતનો બદલો લીધો.

પહેલાં બે જ દેશ અમેરિકા અને ઇઝરાયલ પોતાના જવાનોની શહાદતનો બદલો લેતા હતા, હવે આ લિસ્ટમાં ભારતનું નામ પણ જોડાય ગયું છે. હાલ દેશમાં પૂર્વ હોય કે પશ્ચિમ, ઉત્તર હોય કે દક્ષિણ દરેક બાજુ મોદી-મોદીની ગુંજ સંભળાય છે. પ્રજાએ મોદીને બીજી વખત પ્રધાનમંત્રી બનાવવાનો સંકલ્પ લીધો હોવાની વાત કરી છે.