પ્રધાનમંત્રી મોદી દેશમાં એકમાત્ર વ્યક્તિ છે જેમને Special Protection Group (SPG)સુરક્ષા મળે છે. તેમને આપવામાં આવતી SPG સેવા માટે એક દિવસમાં લગભગ 1.62 કરોડ રૂપિયાનો ખર્ચ કરવામાં આવે છે. આ સિવાય દેશમાં CRPFની સુરક્ષા 56 લોકોને મળી છે. વર્ષના બજેટમાં SPG માટે મળનારા ફંડમાં પણ 10 ટકાનો વધારો કરવામાં આવ્યો છે.
ફક્ત PM મોદીને મળે આ ખાસ SPG સુરક્ષા
1 દિવસમાં કરાય છે લગભગ 1.63 કરોડ રૂપિયાનો ખર્ચ
CRPFની સુરક્ષા 56 લોકોને મળી રહી છે
SPG બજેટમાં આ વર્ષે થયો 10 ટકાનો વધારો
આ વાત સંસદમાં ત્યારે સામે આવી જ્યારે DMK સાંસદ દયાનિધિ મારને પ્રશ્ન પૂછ્યો. તેઓએ પૂછ્યું કે હાલના સમયમાં દેશમાં કોને કઈ સુરક્ષા મળી રહી છે. આ સમયે તેઓએ ચર્ચા કરી કે દેશમાં હાલમાં CRPFની સુરક્ષા 56 લોકોને મળી રહી છે. SPG ફોર્સ માટે 2020-21ના બજેટમાં 592.55 કરોડ રૂપિયાનો પ્રસ્તાવ પણ રાખવામાં આવ્યો છે. જે ગત વર્ષના બજેટની સરખામણીએ ઘણો વધારે છે. અંદાજે 10 ટકાનો વધારો કરવામાં આવ્યો છે. તે સમયે પીએમ મોદી સિવાય કોંગ્રેસની સોનિયા ગાંધી, તેમના બાળકો રાહુલ ગાંધી અને પ્રિયંકા ગાંધી વાડ્રાને પણ આ સિક્યોરિટીનો ફાયદો મળતો હતો.
પીએમ મોદીની સુરક્ષા માટે સંસદમાં બનાવાયો છે આ ખાસ કાયદો
માત્ર વડાપ્રધાન નરેન્દ્ર મોદીનું ભારતમાં વિશેષ સંરક્ષણ જૂથ (SPG) સુરક્ષા છે. આ સંદર્ભે સંસદે એક કાયદો બનાવ્યો છે, જેની જોગવાઈ છે કે દેશમાં ફક્ત વડાપ્રધાનને એસપીજી સંરક્ષણ આપવામાં આવશે. વડાપ્રધાન પદ છોડ્યા બાદ એસપીજી સુરક્ષા 5 વર્ષ રહેશે અને ત્યારબાદ તેને હટાવી લેવામાં આવશે.
હાલમાં પીએમ મોદીની સુરક્ષા માટે થઈ રહ્યો છે આટલો ખર્ચ
બજેટમાં પીએમ મોદીની સુરક્ષાને માટે રૂપિયા 592 કરોડ ફાળવવામાં આવ્યા છે. એક દિવસમાં 1.62 કરોડ રૂપિયાનો ખર્ચ થયો છે અને 1 કલાકમાં આ રકમ 6.75 લાખ અને પ્રતિ મિનિટ 11,263 રૂપિયાનો ખર્ચ થાય છે.
શું હોય છે SPG ફોર્સ?
એસપીજીના સિક્યોરિટી ગાર્ડ્સ સૌથી ખાસ સિપાહી માનવામાં આવે છે. આ ખાસ કરીને કાળા કપડાંમાં (સૂટથી સજ્જ) રહે છે. તેને બ્લેક કૈટ કમાન્ડો પણ કહેવામાં આવે છે. SPG સિક્યોરીટીમાં અમેરિકી રાષ્ટ્રપતિની સુરક્ષા કરનારી સિક્યોરીટીને પણ ટકકર આપે તેવી હોય છે. આ જવાનો પોલીસ અને BSF, CISF, ITBP, CRPFના હોય છે.