રાજનીતિ / જાન્યુઆરીનાં અંત સુધીમાં ભાજપને મળશે નવા રાષ્ટ્રીય અધ્યક્ષ, આ નેતાનાં નામ પર લાગશે અંતિમ મહોર

• મંડળ, જિલ્લા અને રાજ્યોનાં અધ્યક્ષોની ચૂંટણી બાદ યોજાશે રાષ્ટ્રીય અધ્યક્ષની ચૂંટણી
• રાષ્ટ્રીય અધ્યક્ષ પસંદ કરવાની પ્રક્રિયામાં અંદાજે લાગશે એક મહીનો

ભાજપનાં સંગઠનાત્મક ચૂંટણીની પ્રક્રિયામાં બૂથ સ્તરની ચૂંટણી 11 સપ્ટેમ્બરથી જ શરૂ થઇ ગઇ છે. મંડળ, જિલ્લા અને રાજ્યોનાં અધ્યક્ષોની ચૂંટણી 15 ડિસેમ્બર સુધી પૂર્ણ કરવામાં આવશે. ત્યાર બાદ રાષ્ટ્રીય અધ્યક્ષ પસંદ કરવાની પ્રક્રિયામાં અંદાજે એક મહીનાનો સમય લાગશે. એવામાં પાર્ટી અધ્યક્ષનાં નામ પર જાન્યુઆરી સુધીની મહોર લાગી જશે.

15 ડિસેમ્બર બાદ રાષ્ટ્રીય અધ્યક્ષ પસંદ કરવાની પ્રક્રિયા શરૂ થશે

ભાજપનાં વરિષ્ઠ નેતા અને રાષ્ટ્રીય ચૂંટણી પ્રભારી રાધા મોહનસિંહે 'ભાષા'ને જણાવી, પાર્ટીનાં સંગઠનાત્મક ચૂંટણી અંતર્ગત બૂથ સ્તરની ચૂંટણી 11 સપ્ટેમ્બરથી પ્રારંભ થઇ ગઇ છે અને જે 30 સપ્ટેમ્બર સુધી પૂર્ણ થશે. તેમણે જણાવ્યું કે, ત્યાર બાદ 11-31 ઓક્ટોમ્બર સુધીનાં મંડળ સ્તરની ચૂંટણી હશે. 11-30 નવેમ્બર સુધી જિલ્લા સ્તરની ચૂંટણી અને 1-15 ડિસેમ્બર સુધી રાજ્ય સ્તરની ચૂંટણી થશે. સિંહે જણાવ્યું કે, '15 ડિસેમ્બર બાદ જ રાષ્ટ્રીય અધ્યક્ષ પસંદ કરવાની પ્રક્રિયા શરૂ થશે. જ્યારે રાજ્યોનાં અધ્યક્ષો અને રાષ્ટ્રીય પ્રતિનિધિઓની પસંદગી થઇ જશે. ત્યાર બાદ જ મતદાતા યાદી તૈયાર થશે.'

જે.પી નડ્ડા હાલમાં છે પાર્ટીનાં કાર્યકારી અધ્યક્ષ

મહારાષ્ટ્ર, હરિયાણા અને ઝારખંડમાં વિધાનસભા ચૂંટણીને કારણે સંગઠનાત્મક ચૂંટણી નથી થઇ રહી અને પાર્ટીનાં સંગઠન સાથે જોડાયેલી પ્રક્રિયામાં 33 રાજ્ય અને કેન્દ્રશાસિત પ્રદેશ શામેલ છે. ભાજપ સંવિધાન અનુસાર, 50 ટકા રાજ્યની ચૂંટણી સંપન્ન થયા બાદ રાષ્ટ્રીય અધ્યક્ષની ચૂંટણી શરૂ કરવામાં આવી શકે છે. અધ્યક્ષની ચૂંટણીનું એક મતદાર મંડળ કરે છે કે જેમાં જિલ્લા એકમો દ્વારા મતદાર સભ્ય, તમામ ધારાસભ્યો દ્વારા પોતાનામાંથી પસંદ કરવામાં આવેલ 10 ટકા સભ્યો, પ્રદેશથી રાષ્ટ્રીય પરિષદમાં ઉક્ત રાજ્યમાં લોકસભા સભ્ય બરાબર મતદાર સભ્ય તથા પાર્ટી સાંસદો દ્વારા પોતાનામાંથી પસંદ કરવામાં આવેલા 10 ટકા સભ્યો શામેલ છે.

અમિત શાહની 2019ની લોકસભા ચૂંટણીમાં જીત બાદ મોદી સરકારમાં ગૃહમંત્રીનું પદ સંભાળવાને કારણ પાર્ટીનાં નવા અધ્યક્ષની કવાયત શરૂ થઇ. આ દરમ્યાન અમિત શાહ રાષ્ટ્રીય અધ્યક્ષ બન્યા છે જ્યારે જે પી નડ્ડાને પાર્ટીનાં કાર્યકારી અધ્યક્ષ બનાવવામાં આવ્યાં છે. ભાજપે સંગઠનાત્મક ચૂંટણીની દ્રષ્ટિથી દેશભરમાં 10,36,166 બૂથ બનાવ્યાં છે જ્યારે પૂરા દેશમાં 1,979,94 શક્તિ કેન્દ્ર છે.