રાજકોટ / એક-એક ઘરમાં વાતચીત કરો, નારાજ નેતાઓને મનાવો: નડ્ડાએ BJP કાર્યકરોને આપ્યો જીતનો મંત્ર 

• ભાજપના રાષ્ટ્રીય અધ્યક્ષ જે.પી.નડ્ડા રાજકોટની મુલાકાતે
• રાજકોટની દક્ષિણ બેઠક પર બૂથ કાર્યકરો સાથે જે.પી.નડ્ડાએ કર્યો સંવાદ
• કાર્યકર્તાઑને જે.પી.નડ્ડાએ આપ્યા સુચનો

ગુજરાતમાં ચુંટણીનો જબરદસ્ત માહોલ જામ્યો છે.ગુજરાતનો ગઢ જીતવા નેતાઓ દિવસ-રાત એક કરીને મહેનતમાં લાગી ગયા છે. કેન્દ્રિય નેતાઑએ પણ ગુજરાતમાં ધામા નાખ્યા છે. ત્યારે ભાજપના રાષ્ટ્રીય અધ્યક્ષ જે.પી.નડ્ડા રાજકોટની મુલાકાતે આવ્યા છે. આ દરમિયાન રાજકોટની દક્ષિણ બેઠક પર બૂથ કાર્યકરો સાથે જે.પી.નડ્ડાએ સંવાદ કર્યો હતો. જેમાં નડ્ડાએ BJP નેતાઓ અને કાર્યકરોને જીતનો મંત્ર આપ્યો હતો.

आज गुजरात के राजकोट में जनसभा को संबोधित किया।

गुजरात देश को दिशा देने वाले नेतृत्व की भूमि है, प्रदेश ने देश के स्वतंत्रता संग्राम व सामाजिक सुधार में बहुमूल्य योगदान दिया है।

निरंतर भाजपा के साथ उज्ज्वल भविष्य की दिशा में अग्रसर हो रही यहाँ की जनता का मैं अभिनंदन करता हूँ। pic.twitter.com/fE0icHg0KT

— Jagat Prakash Nadda (@JPNadda) November 18, 2022

ભારત માતા કી જય'ના નામે મત નહીં મળે :  જે.પી.નડ્ડા
સંવાદ દરમિયાન જે.પી.નડ્ડાએ PM મોદીના નેતૃત્વ અને વિકાસયાત્રાની વાતો કરી હતી. જે.પી.નડ્ડાએ કાર્યકર્તાઓને સૂચન આપી જણાવ્યું કે ભારત માતા કી જય'ના નામે મત નહીં મળે. તેના માટે દરેકના ઘરે 20-25 મિનિટ ફાળવીને સમસ્યા જાણવા અને લોકોની સમસ્યા જાણી ઉકેલવાથી જ મત મળશે તેવું સૂચન આપ્યું હતું. વધુમાં તેમણે કહ્યું કે PM મોદીએ રાજકોટને AIMMSની ભેટ આપી છે. 1 હજાર 100 કરોડની મેડિકલ સુવિધા આપવી સરળ ન હોવા અંગે લોકોને સમજાવો અને એક દિવસમાં સ્પોર્ટ્સ એસોસિએશનનું લિસ્ટ બનાવી  આ યાદીમાં સામેલ તમામ નામ સાથે 'ચાય પે ચર્ચા' કરવા પણ માહિતી આપી હતી.

વધુ મતદાન કરાવવા ટિપ્સ આપી
તે જ રીતે ખેલાડીઓને મળી ભાજપમાં જોડાવવા આહ્વાન કરવા તેમજ નારાજ ખેલાડીઓની નારાજગી દૂર કરવા પણ જણાવાયું હતું. એજ રીતે NGO અને સામાજિક સંસ્થા સાથે કામ કરવા અને ધાર્મિક સંગઠન સાથે સંપર્કમાં રહેવા કહેવાયું છે.  એટલુ  જ નહીં ડૉક્ટર, વકીલ, લેખક, પદ્મશ્રી લોકો સાથે ફોટા પડાવો જેને સોશિયલ મીડિયામાં શેર કરીને નવા વોટરને આકર્ષિત કરો,  યોજનાઑ ખૂણેખૂણે પહોચે તે માટે લોકો સાથે PM મોદીની યોજનાની ચર્ચા કરો, તેમજ 12 દિવસ લોકો સાથે માત્ર ઓવરબ્રિજ, પાણી, રસ્તા, સફાઈ સહિતના 10 મુદ્દાની વાત કરો, 1 ડિસેમ્બરે સવારે 5 વાગ્યે  વધુમાં વધુ મતદાન  કરવાના પ્રયાસ કરવા પણ સૂચન અપાયું છે.