રાજ્યમાં સ્થાનિક સ્વરાજ્યની ચૂંટણીને લઈ ધમધમાટ શરૂ થઇ ચૂક્યો છે. ભાજપના રાષ્ટ્રીય અધ્યક્ષ જે.પી. નડ્ડા(જગત પ્રકાશ નડ્ડા) બે દિવસના ગુજરાત પ્રવાસે છે. રાષ્ટ્રીય અધ્યક્ષને ભાજપના નેતાઓ અને કાર્યકરોએ આવકાર્યા હતા. નડ્ડાએ ગાંધીનગરમાં ધારાસભ્યો, સાંસદો અને ઇન્ચાર્જ સાથે બેઠક કરી હતી. આ દરમિયાન તેમણે આવનારી સ્થાનિક સ્વરાજ્યની ચૂંટણીમાં પૂરી તાકાત લગાવી દેવા માટે હાંકલ કરી હતી. આ સાથે તેમણે ગુજરાત ભાજપના નેતાઓને ટકોર પણ કરી હતી.
ભાજપનાં રાષ્ટ્રીય અધ્યક્ષ જે.પી.નડ્ડાએ નેતાઓને કરી ટકોર
ગુજરાતે શીખવાની નહિ શીખવાડવાની જરૂર છેઃ નડ્ડા
દરેક ચૂંટણીઓમાં ગુજરાત દેશમાં કઈકને કઈક શીખવે છેઃ નડ્ડા
સ્થાનિક સ્વરાજ્ય લઈને ભાજપની તૈયારીઓ તેજ થઇ છે. સ્થાનિક સ્વરાજ્યની ચૂંટણી પહેલાં ભાજપના રાષ્ટ્રીય અધ્યક્ષ જે.પી. નડ્ડા ગુજરાતની મુલાકાતે આવી પહોંચ્યા છે. કેન્દ્રીય ભાજપના આગેવાનોની ગુજરાતમાં મેરેથોન બેઠક શરૂ થઇ ચૂકી છે. ત્યારે આજે ભાજપના રાષ્ટ્રીય અધ્યક્ષની અધ્યક્ષતામાં કમલમ્ ખાતે બેઠક યોજાઇ હતી. જેમાં સંગઠન માળખા અને સ્થાનિક સ્વરાજ્યની ચૂંટણી મુદ્દે ચર્ચા કરવામાં આવી હતી. આ બેઠકમાં રાષ્ટ્રીય સંગઠન મહામંત્રી બી. એલ. સંતોષ હાજર રહ્યા હતા. સાથે ગુજરાત ભાજપના વરિષ્ઠ પદાધિકારીઓ, પ્રદેશ પ્રમુખ સી.આર. પાટીલ, મુખ્યમંત્રી વિજય રૂપાણી, નાયબ મુખ્યમંત્રી નીતિન પટેલ, સાંસદો, ધારાસભ્યો, જિલ્લા અધ્યક્ષો અને પ્રમુખ કાર્યકર્તાઓ પણ ઉપસ્થિત રહ્યા હતા. આ બેઠક દરમિયાન નડ્ડાએ સભાને સંબોધિત કરી હતી. રાષ્ટ્રીય અધ્યક્ષના પ્રવાસને લઈ કમલમમાં ઉત્સાહનો માહોલ જોવા મળ્યો હતો.
गुजरात भाजपा के वरिष्ठ पदाधिकारियों, सांसदों, विधायकों, जिला अध्यक्षों व प्रमुख कार्यकर्ताओं की सामूहिक बैठक को संबोधित किया। pic.twitter.com/TzGVbRGliV
આ દરમિયાન જે.પી. નડ્ડાએ ગુજરાત ભાજપના નેતાઓને ટકોર પણ કરી હતી. તેમણે કહ્યું, ગુજરાતે સરકાર અને સંગઠન ક્ષેત્રે બીજા રાજ્યને શીખવાડવાનું છે શીખવાનું નથી. ગુજરાતે શીખવાની નહીં શીખવાડવાની જરૂર છે. દરેક ચૂંટણીઓમાં ગુજરાત દેશમાં કંઈકને કંઈક શીખવે છે. સરકાર હોય કે સંગઠન દરેક ક્ષેત્રે ગુજરાતે બીજા રાજ્યોને શીખ આપી છે.
BJP National President Shri @JPNadda Ji congratulates @BJP4Gujarat state president Shri @CRPaatil for being recognised as an 'Influential Member of Parliament in India' as per the survey conducted by Fame India Magazine & Asia Post Agency. pic.twitter.com/qbxxWhCz7l
સરસંઘચાલક મોહન ભાગવત્ અને ભાજપના રાષ્ટ્રીય અધ્યક્ષ જે.પી. નડ્ડા બન્ને 2 દિવસની ગુજરાતની મુલાકાતે છે. ત્યારે આવતીકાલે સાંજે ઉવારસદ કર્ણાવતી ડેન્ટલ કોલેજ ખાતે મોહન ભાગવત અને જે.પી.નડ્ડા વચ્ચે બેઠક મળશે. સંગઠન અને સરકાર વચ્ચેની નીતિ અંગે મહત્વની ચર્ચા થઈ શકે છે. ભાજપ સંગઠન અને સરકારના વિવાદને લઇ ચર્ચા થઇ શકે છે. તો વિધાનસભાની ચૂંટણીઓ મુદ્દે પણ ચર્ચા થઇ શકે છે.