ભારતીય જનતા પાર્ટી (ભાજપ) ના કાર્યકારી પ્રમુખ જે પી નડ્ડા જ પાર્ટીના નવા અધ્યક્ષ હોવાનું માનવામાં આવી રહ્યું છે. તેમના નામની જાહેરાત 20 જાન્યુઆરીએ ભૂતપૂર્વ કેન્દ્રીય પ્રધાન રાધા મોહન સિંઘ દ્વારા કરવામાં આવશે. ભાજપના રાષ્ટ્રીય અધ્યક્ષની ચૂંટણી માટે 19 જાન્યુઆરીએ નામાંકન કરવામાં આવશે. અત્યારે નવા પ્રમુખની ચૂંટણીની પ્રક્રિયા ચાલી રહી છે.
20 જાન્યુઆરી જાહેર થશે ભાજપના નવા રાષ્ટ્રીય અધ્યક્ષનું નામ
જે.પી નડ્ડા જ રાષ્ટ્રીય અધ્યક્ષ તરીકે નામાંકન નોંધાવશે
પક્ષના બંધારણ મુજબ, 5૦ ટકાથી વધુ રાજ્યોમાં સંગઠનની ચૂંટણી યોજાયા પછી રાષ્ટ્રીય અધ્યક્ષની પસંદગી કરવામાં આવે છે. તમામ રાજ્યોમાં સંગઠનની ચૂંટણીઓ ચાલી રહી છે અને 18 જાન્યુઆરી સુધીમાં રાજ્યોમાં સંગઠનની 80 ટકા ચૂંટણી પૂર્ણ થઈ જશે.
જે.પી નડ્ડા જ રાષ્ટ્રીય અધ્યક્ષ તરીકે નામાંકન નોંધાવશે
ભાજપના રાષ્ટ્રીય ચૂંટણી અધિકારી અને પૂર્વ કેન્દ્રિય મંત્રી રાધામોહન સિંહ આગામી 2-3 દિવસમાં ભાજપના રાષ્ટ્રીય અધ્યક્ષની ચૂંટણીની તારીખની જાહેરાત કરશે. જો કે, માનવામાં આવી રહ્યું છે કે, વર્તમાન કાર્યકારી અધ્યક્ષ જે.પી નડ્ડા જ રાષ્ટ્રીય અધ્યક્ષ તરીકે નામાંકન નોંધાવશે.
20 જાન્યુઆરીના રોજ સત્તાવાર નામની કરાશે જાહેરાત
20 જાન્યુઆરીના રોજ નવા રાષ્ટ્રીય અધ્યક્ષ તરીકે જે.પી. નડ્ડાના નામની સત્તાવાર જાહેરાત કરવામાં આવશે. સૂત્રોના જણાવ્યા અનુસાર, પ્રધાનમંત્રી નરેન્દ્ર મોદી, રાજનાથ સિંહ, નીતિન ગડકરી, ભાજપ શાસિત રાજ્યોના મુખ્યમંત્રી અને નાયબ મુખ્યમંત્રી, કેન્દ્રિય મંત્રીઓ સિવાય કેટલાય પ્રદેશોના અધ્યક્ષ જે.પી.નડ્ડાના પ્રસ્તાવક હશે.