પ્રયાગરાજના ભાજપ સાંસદ રીતા બહુગુણા જોશીએ ભાજપને ધમકી આપી છે કે મારા પુત્ર મયંકને લખનઉથી ટિકિટ આપો, હું રાજીનામું આપી રહી છું.
રીતા બહુગુણા જોશીએ પુત્ર માટે લખનઉની ટિકિટ માગી
કહ્યું મારા દીકરાને લખનઉની ટિકિટ આપો
તેને માટે હું સાંસદ પદ છોડવા તૈયાર છું
યુપીના પ્રયાગરાજના ભાજપ સાંસદ છે રીતા બહુગુણા જોશી
યુપી ચૂંટણી માટે ભાજપમાં ટિકિટની તકરાર ચાલી રહી છે. દિલ્હીમાં હાઈ કમાન્ડ ઉમેદવારોની આખરી યાદીને ઓપ આપવાની તૈયારીમાં લાગ્યો છે. ત્યારે હવે કોંગ્રેસમાંથી ભાજપમાં આવેલા સાંસદ બહુગુણા જોશીએ તેમના પુત્ર મયંક જોશીને લખનઉ કેન્ટમાંથી ટિકિટ આપવાની ભાજપ હાઈકમાન્ડ સમક્ષ માગ કરી છે. દિલ્હી આવેલા રીતા જોશીએ કહ્યું કે જો પુત્રને ટિકિટ મળે તો તેઓ તેમનું સાંસદ પદ પણ છોડવા તૈયાર છે. મીડિયા સાથેની વાતચીતમાં જોશીએ કહ્યું કે તેમનો પુત્ર મયંક 2009થી ભાજપ માટે કામ કરી રહ્યો છે અને તેમણે લખનઉ કેન્ટમાંથી ટિકિટ માટે અરજી આપી છે. જો પાર્ટીએ એક પરિવાર દીઠ 1 ટિકિટ આપવાની પોલિસી બનાવી હોય તો હું મયંકને ટિકિટ માટે મારુ સાંસદ પદ છોડવા તૈયાર છું, લોકસભા સાંસદ તરીકે રાજીનામું આપી દઈશ.
He (son Mayank Joshi) has been working since 2009 & has applied for it (a ticket from Lucknow Cantt), rightfully. But if the party has decided to give ticket to only 1 person per family, I will resign from my present LS seat if Mayank gets a ticket: BJP LS MP Rita Bahuguna Joshi pic.twitter.com/QCu3zN7p8P
પુત્ર મયંક 10 વર્ષથી ભાજપ માટે કામ કરી રહ્યો છે
રીતા જોશીએ કહ્યું કે તેમનો પુત્ર મયંક 10 વર્ષથી ભાજપ માટે કામ કરી રહ્યો છે અને તેની સક્રિય ભાગીદારી નિભાવી રહ્યો છે. પાર્ટીએ તેને ટિકિટ આપવાનો વિચાર કરવો પડશે. જોશીએ કહ્યું કે એક પરિવારમાં એક ટિકિટનો પાર્ટીનો નિર્ણય મને મંજૂર છે અને હું તેનું સન્માન કરુ છું.
મયંકને લખનઉની ટિકિટ અપાવવા રીતા બહુગુણા જોશી મક્કમ
ઉલ્લેખીય છે કે રીતા જોશી લખનઉથી મયંક મિશ્રાને ટિકિટ અપાવવા માટે હાઈકમાન્ડ પર દબાણ કરી રહ્યાં છે. છેલ્લા ઘણા દિવસોથી તેઓ દિલ્હીમાં ધામા નાખીને પડ્યાં છે. તેઓ કોરોના પોઝિટીવ પણ થયા છે. તેમણે ગૃહમંત્રી અમિત શાહ, ભાજપ પ્રદેશાધ્યક્ષ જેપી નડ્ડા સહિત તમામ પદાધિકારીઓનો સંપર્ક સાધ્યો છે.
રીતાએ ભાજપ અધ્યક્ષ નડ્ડાને લખ્યો પત્ર
રીતા જોશીએ ભાજપ અધ્યક્ષ જેપી નડ્ડાને પત્ર લખીને મયંકને લખનઉ કેન્ટથી ટિકિટ આપવાની વિનંતી કરી છે. તેમણે કહ્યું કે મયંકને ટિકિટ મળે એટલા માટે હું સાંસદ પદેથી રાજીનામું પણ આપી દેવા તૈયાર છું.
પ્રયાગરાજથી રીતાના પુત્રને ટિકિટની અટકળો
જો સૂત્રોનું માનીએ તો પાર્ટી હાલમાં અલ્હાબાદ ઉત્તર વિધાનસભામાંથી રીટા બહુગુણા જોશીના પુત્ર મયંક જોશીને મેદાનમાં ઉતારવાની તૈયારી કરી રહી છે. રીતા બહુગુણા જોશીને પણ આ વાતની જાણ છે એટલે તેઓ જેપી નડ્ડા પાસે પહોંચ્યા. રીટાએ પોતાની વાત પાર્ટી હાઈકમાન્ડ સુધી પહોંચાડી છે. જોકે રીતાની એવી ઈચ્છા છે કે પાર્ટી મયંકને લખનઉ કેન્ટથી ટિકિટ આપે.