પ્રાઇવેટ હોસ્પિટલમાં મળતી વેક્સિનમાં સાંસદને પણ કમિશન મળતું હોવાનો આરોપ
યુવા ભાજપના રાષ્ટ્રીય પ્રમુખ છે તેજસ્વી સૂર્યા
વેક્સિનમાંથી 700 રૂપિયા તેમણે મળતા હોવાનો આરોપ
હોસ્પિટલના સુપરવાઇઝર સાથેની વાતચીતનો ઓડિયો વાયરલ
યુવા ભાજપના રાષ્ટ્રીય પ્રમુખ છે તેજસ્વી સૂર્યા
તેજસ્વી સૂર્યા બેંગલુરુના દક્ષિણ સીટના ભાજપ સાંસદ છે અને તેમના કાકા છે રવિ સુબ્રમણ્યમ. જે ત્રણ ટર્મ સુધી ધારાસભ્ય રહી ચૂક્યા છે. 29 મે એ કોંગ્રેસ નેતા પવન ખેડા અને શ્રીનિવાસે પ્રેસ કોનફેરેન્સ કરી અને તેજસ્વી સૂર્યા અને રવિ સુબ્રમણ્યમ પર ગંભીર આરોપ મૂકવામાં આવ્યો હતો. તેમણે કહ્યું હતું કે સ્થાનિક મીડિયામાં રવિ સુબ્રમણ્યમનો એક ઓડિયો વાયરલ થઈ ગયો છે.
હોસ્પિટલના સુપરવાઇઝર સાથેની વાતચીતનો ઓડિયો વાયરલ
આગળ પવન ખેડાએ કહ્યું કે જે ઓડિયો વાયરલ થયો છે તેમાં એક ખાનગી હોસ્પિટલના સુપર વાઇઝર એક વ્યક્તિને ફોનમાં જણાવે છે કે કોરોના વેક્સિનની કિંમત 900 રૂપિયાથી ઓછી થઈ શકે નહીં. કારણકે 700 રૂપિયા રવિ સુબ્રમણ્યમને આપવાના હોય છે. આ રેકોર્ડીંગ સાચું છે અને ત્યાંનાં મીડિયામાં ખૂબ જ વાયરલ થયું છે. પવન ખેડાએ આગળ કહ્યું કે થોડાક દિવસો પહેલા જ રવિના ભત્રીજા અને ભાજપના સાંસદ તેજસ્વી સૂર્યાએ પોતાના વિસ્તારોમાં પોસ્ટર લગાવ્યા હતા.
વેક્સિનમાંથી 700 રૂપિયા તેમણે મળતા હોવાનો આરોપ
તેમણે એક ખાનગી હોસ્પિટલ સાથે મળીને એક વેકસીનેશન ડ્રાઈવ શરૂ કરી છે. જેમાં પણ એક વેક્સિન ડોઝ માટે 900 રૂપિયા નક્કી કરવામાં આવ્યા છે અને હવે કહેવામાં આવે છે કે આ ભાવમાં કોઈપણ જાતનો ઘટાડો થશે નહીં. કારણકે તેમાંથી 700 રૂપિયા રવિ સુબ્રમણ્યમને આપવાના હોય છે. પવન ખેડાએ સાથે એ પણ કહ્યું કે એક બાજુ સરકારી હોસ્પિટલોમાં વેક્સિન મળી નથી રહી અને બીજી બાજુ સાંસદ સામેથી લોકોને કહી રહ્યા છે કે આવો અને ખાનગી હોસ્પિટલોમાં વેક્સિન લગાવો. કોંગ્રેસે માંગણી કરી છે કે તેજસ્વી સૂર્યા અને રવિ સુબ્રમણ્યમ સામે ગુનો દાખલ કરવામાં આવે અને બંનેની ધરપકડ કરવામાં આવે. આ ઘટના બાદ ભાજપ તરફથી કોઈ પણ પ્રતિક્રિયા નથી આવી.