એક તરફ પાકિસ્તાન જ્યાં ભારતમાં ઘૂસણખોરી કરવાના પ્રયાસોને અંજામ આપી રહ્યું છે ત્યારે બીજી તરફ હવે ચીન પણ ભારતમાં ઘૂષણખોરી કરવાના પ્રયાસો કરી રહ્યું છે. ભારતના પૂર્વોત્તર વિસ્તાર અરૂણાચલ પ્રદેશમાં ચીનની સેના તરફથી ઘૂસણખોરી કરવાનો મામલો સામે આવ્યો છે.
આ મામલાને લઇને અરૂણાચલ પ્રદેશના ભાજપના સાંસદ તાપિર ગાવનું કહેવું છે કે, હું સેનાના તે લોકોને દોષ નથી આપતો જે વિસ્તારમાં પેટ્રોલિંગ કરી રહ્યા છે. રોડ નથી, તે વિસ્તાર સુધી કેવી રીતે પહોંચી શકે છે. મને સરકાર પર ભરોસો છે. હું ઇચ્છુ છું કે સરકાર આના પર વિચાર કરે, હું પણ આના પર વિચાર કરીશ. રોડ બનાવવાની જરૂર છે.
ચીનની સેનાએ ઘૂસણખોરી કરીઃ ભાજપ સાંસદ
તાપિરે ગાવે કહ્યું હતું કે, ચાગલગામ મૈકમોહન લાઇનથી 100 કિલોમીટર દૂર છે પરંતુ ત્યાંથી માત્ર 25 કિલોમીટર દૂર ચીનને પુલ બનાવી દીધો છે. તેનો મતલબ ચીન અરૂણાચલની સીમામાં ઘણા અંદર સૂધી આવ્યા છે.
#Correction Tapir Gao, BJP MP from Arunachal Pradesh: McMahon line is at a distance of approximately 100 km from Chaglagam, now if China makes a bridge at a distance of 25 km from Chaglagam, that implies China is already 60-70 km into our territory. pic.twitter.com/LPmZ0MpZV3
ચીને જમ્મૂ-કાશ્મીર અને અરૂણાચલ પ્રદેશને ગણાવ્યો હતો ભારતનો ભાગ
ચીન અરૂણાચલ પ્રદેશને પોતાનો ભાગ માનવાનો દાવો લાંબા સમયથી કરતુ આવ્યું છે. પરંતુ હાલમાં જ ચીને પોતાના એક નકશામાં સમગ્ર જમ્મૂ અને કાશ્મીર સાથે અરૂણાચલ પ્રદેશને ભારતનો ભાગ દેખાડ્યો હતો. બીજિંગમાં બેલ્ટ એન્ડ રોડ ઇનિશિએટિવ(BRI)ના બીજા સમિટમાં ચીન નકશા પ્રદર્શિત કરી રહ્યું હતું. જેમાં ચીને સમગ્ર જમ્મૂ-કાશ્મીર અને અરૂણાચલ પ્રદેશને ભારતનો ભાગ બતાવ્યો હતો. આ નકશામાં ભારતને પણ BRIનો ભાગ ગણાવ્યો હતો.
ઘૂસણખોરીના સમાચાર ખોટાઃ ભારતના અધિકારી
આ પહેલા ગત વર્ષે ઓક્ટોબરમાં ડોકલામ વિવાદ બાદ ચીને એક વાર ફરી ભારતીય સીમાઓમાં ઘૂસવાના પ્રયત્નો કર્યા હતા. અરૂણાચલ પ્રદેશની સરહદોમાં ચીની સૈનિકોએ દિવાંગ ખીણ પાસે તંબૂ પણ લગાવ્યા હતા. જોકે આના પર ભારતના એક અધિકારીએ કહ્યું હતું કે, ઘૂસણખોરીના સમાચાર ખોટા છે.
અધિકારીએ કહ્યું હતું કે, લાઇન ઓફ કંટ્રોલને લઇને કેટલાક ભ્રમ હતા, જેને દૂર કરી દેવામાં આવ્યા. અધિકારીએ જણાવ્યું હતું કે ચીની સૈનિકોને જ્યારે એલસી વિશે સમગ્ર જાણકારી આપી હતી, તો તે પોતાની સીમામાં પરત ફર્યા.
મહત્વનું છે કે, ચીન લદ્દાખના બુર્તસે અને ટ્રૈક જંકશન પોસ્ટ ટ્રિગ હાઈટ અને ડેપસાંગ વિસ્તારમાં પણ ઘૂસણખોરી કરવાના પ્રયત્નો કરતા રહ્યા છે. લદ્દાખના ટ્રિગ હાઇટ અને ડેપસાંગના આ વિસ્તારમાં ભારત માટે વ્યૂહાત્મક રીતે ઘણુ મહત્વ ધરાવે છે. એજ કારણ છે કે ચીન અહીં કબજો કરવાના પ્રયત્નોમાં રહે છે અને વારંવાર ઘૂસણખોરીનો પ્રયાસ કરે છે.