ચૂંટણી પંચ / સની દેઓલની લોકસભાની સદસ્યતા સંકટમાં, મળી શકે છે નોટિસ

જેના આધારે ચૂંટણી પંચ સની દેઓલને નોટિસ જાહેર કરી શકે છે. ઉલ્લેખનીય છે કે, સની દેઓલે (Sunny Deol) લોકસભા ચૂંટણી દરમિયાન રૂપિયા 86 લાખનો ખર્ચ કર્યો હતો. જ્યારે નક્કી કરેલી સીમા રૂપિયા 70 લાખ હતી. ચૂંટણી પંચ અનુસાર, નક્કી કરેલી સીમાથી વધુ ખર્ચ કરવાના કારણે તેમની વિરૂદ્ધ કાર્યવાહી થઈ શકે છે. 

ચૂંટણી પંચ (Election Commission) ના નિયમ મુજબ જો કોઈ ઉમેદવાર વધુ ખર્ચ કરે અને જીતે અને આ વાતને સમર્થન મળે તો ચૂંટણી પંચ ઉમેદવારની સદસ્યતા રદ કરીને બીજા નંબરે આવેલા ઉમેદવારને વિજેતા જાહેર કરી શકે છે. ઉપરાંત કાર્યવાહી પણ કરવામાં આવે છે. 

આ પહેલા પણ ચૂંટણી પ્રચાર દરમિયાન સની દેઓલ પર કથિત રૂપે આદર્શ આચાર સંહિતાનું ઉલ્લંઘનનો આરોપ લાગ્યો હતો. જે બાદ ચૂંટણી પંચે તેમને નોટિસ ફટકારી હતી. સની દેઓેલે સાંજે પાંચ વાગ્યા ચૂંટણી પ્રચારની સમય સીમા પૂર્ણ થયા બાદ એક જનસભાને સંબોધિત કરી હતી. જે બાદ તેમને નોટિસ પાઠવામાં આવી હતી.