કુન્નુર ક્રેશ / CDS હેલિકોપ્ટર ક્રેશમાં સુબ્રમણ્યમ સ્વામીને કાવતરાનો શક, તપાસને લઈને આપ્યું મોટું નિવેદન

• સુબ્રમણ્યમ સ્વામીને બિપિન રાવતના હેલિકોપ્ટર ક્રેશ પર શંકા
• હેલિકોપ્ટર ક્રેશની તપાસ સુપ્રીમના જજ પાસે કરાવો
• સરકાર કે મિલિટરી અધીન ન હોવી જોઈએ તપાસ 

કેન્દ્ર સરકારે જનરલ બિપિન રાવતના હેલિકોપ્ટર ક્રેશની તપાસ માટે ઉચ્ચ સ્તરીય સમિતિની રચના કરી છે. સેનાના ભૂતપૂર્વ અધિકારીઓ અને અનેક નેતાઓએ પણ અકસ્માત અંગે પ્રશ્નો ઉઠાવ્યા છે. સેનાના પૂર્વ બ્રિગેડિયર સુધીર સાવંત પણ હેલિકોપ્ટર ક્રેશ પર શંકા વ્યક્ત કરી ચૂક્યા છે. 

Doubts about how CDC, his wife, and several senior military officers died is bound arise. Hence Govt must head the Govt inquiry by an outsider such as a SC judge

— Subramanian Swamy (@Swamy39) December 9, 2021

હેલિકોપ્ટર ક્રેશની તપાસ સરકારને અધીન ન થવી જોઈએ

સુબ્રમણ્યમ સ્વામીએ કહ્યું કે હેલિકોપ્ટર ક્રેશની તપાસ સરકારને અધીન ન થવી જોઈએ તેને બદલે હાઈકોર્ટના જસ્ટીસ દ્વારા આ કેસની તપાસ કરાવવી જોઈએ. તેમણે કહ્યું કે આ તપાસ માટે એવી વ્યક્તિ હોવી જોઈએ જે આર્મીનો ન હોય અને સરકાર હેઠળ ન હોય, તે માત્ર સુપ્રીમ કોર્ટના જજ બની શકે. મને ચિંતા નથી કે સરકાર મારી વાત સાંભળશે કે નહીં. મારો અભિપ્રાય છે કે આ બધું લોકોને જાણવું જોઈએ અને જનતા તેની રાહ જોઈ રહી છે.સ્વામીએ જણાવ્યું કે સરકારે રિપોર્ટ જાહેર ન કરવો જોઈએ, પરંતુ તપાસ બાદ જે નિર્ણય આવશે તે બધાને જણાવવો પડશે કે કોઈ ષડયંત્ર નથી. જો સુપ્રીમ કોર્ટના ન્યાયાધીશ બોલે છે, તો કોઈ તેના પર સવાલ ન કરી શકે. સંરક્ષણ મંત્રાલયે કોર્ટ ઓફ ઇન્ક્વાયરી શરૂ કરી દીધી છે તે વિશે બોલતા સ્વામીએ કહ્યું કે વાત ઠીક છે, પરંતુ સમિતિના અધ્યક્ષનું નામ તેમના વતી લેવામાં આવ્યું નથી, જે ખૂબ જ મહત્વપૂર્ણ છે.

સેનાના પૂર્વ બ્રિગેડિયર સુધીર સાવંતે પણ હેલિકોપ્ટર ક્રેશ પર શંકા વ્યક્ત કરી 

સેનાના પૂર્વ બ્રિગેડિયર સુધીર સાવંત પણ હેલિકોપ્ટર ક્રેશ પર શંકા વ્યક્ત કરી ચૂક્યા છે. સુધીર સાવંતે કહ્યું કે સાવંત કહ્યું કે જે વિસ્તારમાં સીડીએસ જનરલ બિપિન રાવતનું હેલિકોપ્ટર ક્રેશ થયું હતું તે વિસ્તાર LTTEનો ગઢ છે અને આ વિસ્તારના ઘણા લોકો LTTEના સમર્થકો છે. તેમણે કહ્યું કે જે રીતે સીડીએસનું હેલિકોપ્ટર ક્રેશ થયું તે રીત LTTEને મળતી આવે છે. 

પાક.ગુપ્તચર એજન્સી ISIનો હાથ પણ હોઈ શકે
ભારતીય સેનાના પૂર્વ બ્રિગેડિયર સાવંત કહ્યું કે LTTE ઘણા લાંબા સમયથી ભારતીય સેના અને ભારતની નારાજ છે. ભારતીય સેનાએ LTTEનું નેટવર્ક તોડી પાડ્યું હતું. તેથી LTTEના બાકી બચેલા લોકો અને પાકિસ્તાની ગુપ્તચર એજન્સી આઈએસઆઈનો હાથ પણ હોઈ શકે. તેમણે કહ્યું કે બની શકે કે LTTE અને  ISIએ ભેગા મળીને હેલિકોપ્ટર તોડી પાડ્યું હોય. 

હેલિકોપ્ટર દુર્ઘટના પાછળના 3 કારણ 
હેલિકોપ્ટર ક્રેશ કેમ થઈ શકે છે તેના ૩ કારણો બ્રિગેડિયર સાવંત સમજાવે છે કે કોઈ પણ વિમાન અથવા હેલિકોપ્ટર ક્રેશ થવાના ૩ કારણો છે. પ્રથમ- તકનીકી ખામી, બીજું પાઇલટ ભૂલ અને ત્રીજું- બોમ્બ રોપીને ધડાકો. પ્રથમ બે કિસ્સાઓમાં પાઇલટ અને એર કન્ટ્રોલનો સંદેશાવ્યવહાર થાય છે. પાઇલટ મદદની માંગ કરે છે અને આ બધી વાતચીત બ્લેક બોક્સમાં રેકોર્ડ થતી હોય છે. હવે બ્લેક બોક્સ પણ મળી આવ્યું છે. તેથી, જો તે ફક્ત અકસ્માત હશે, તો માહિતી બહાર આવશે.