રાજસ્થાનમાં ભાજપ સાંસદે SDMને બરોબારના ખખડાવ્યા છે જેનો વીડિયો પણ હાલ સોશિયલ મીડિયામાં વાયરલ થયો છે. SDM જાહેર કાર્યક્રમમાં એવું બોલ્યા હતા કે આપણા પૂર્વ સાંસદ હાલના સાંસદ કરતા વધારે સારા છે.
ભાજપ સાંસદ એસડીએમ પર થયા લાલચોળ
એસડીએમએ સાંસદ વિશે આપ્યું હતું નિવેદન
પોતે આપેલા નિવેદનને લઈ એસડીએમ બરોબરના ફસાયા
રાજસ્થનના જોધપુરમાં ભોપાલગઢ ઉપખંડના અધિકારી હવાઈ સિંહ યાદવને પૂર્વ સાંસદના વખાણ કરવા ભારે પડ્યા છે. એસડીએમ દ્વારા પૂ્ર્વ સાંસદના વખાણ કર્યા હતા. જેનો વીડિયો વાયરલ થયો છે. જેથી તેમના વીડિયો પર કેન્દ્રીય જળશક્તિ મંત્રી , સાંસદ ગજેન્દ્ર સિંહ શેખાવત અને પાલી સાંસદ પીપી ચૌધરીએ બેઠકમાં તેમને બરોબરના તતડાવ્યા હતા.
સોશિયલ મીડિયામાં વીડિયો વાયરલ
પાલી સાંસદ પીપી ચૌધરીએ તો બેઠકમાં એવું પણ કહી કીધું કે જો તમને ચપ્પલ ચાટવાનો આટલોજ શોખ છે તો પાર્ટી જોઈન કરી શકો છો. હવે એસડીએમને બંને નેતાઓએ જે રીતે તતડાવ્યા છે તેનો વીડિયો પણ પણ સોશિયલ મીડિયામાં ઝડપથી વાયરલ થઈ રહ્યો છે.
SDMને બધાની સામે તતડાવ્યા
ભોપાલગઢના એસડીએમ હવાઈ સિંહ યાદવે એક કાર્યકર્મમાં એવું કહ્યું હતું કે અમારા પૂર્વ સાંસદ હાલના સાંસદ કરતા વધારે સક્રિય છે અને આપણા સાંસદ આવાજ હોવા જોઈએ. તેમના આ નિવેદનનો વીડિયો વાયરલ થયા બાદ જોધપુર જિલ્લા વિકાસ સમિતિની બેઠક યોજાઈ હતી જે બેઠકમાં કેન્દ્રીય જળશક્તિ મંત્રી ગજેન્દ્ર સિંહ શેખાવત અને પાલી સાંસદ પીપી ચૌધરીએ એસડીએમને બધાની સામેજ તતડાવ્યા હતા.
સાંસદ પીપી ચૌધરીએ બેઠકમાં સવાલો કર્યા
બેઠકનું આયોજન કેન્દ્રીય જળ શક્તિ મંત્રી ગજેન્દ્ર સિંહ શેખાવતની અધ્યક્ષતામાં કરવામાં આવ્યું હતું તે સમયે પાલી સાંસદ પીપી ચૌધરીએ એસ઼ડીએમ યાદવને સવાલ કરવાના શરૂ કર્યા હતા. તો તે સમયે મંત્રી શેખાવત સિંહે તેમને રોક્યા અને એસડીએમને કહ્યું કે પબ્લિકની વચ્ચે સાસંદને પાસિંગ માર્ક આપી રહ્યા છો. તેમ છતા નોકરી કરી રહ્યા છો. એક સાંસદ વિશે આવી ટિપ્પણી કરવાનો હક તેમણે કોને આપ્યો.
સંવિધાનને અનુસાર કાર્ય કરવાની સલાહ
મંત્રી શેખાવતે એવું પણ પુછ્યુ કે તમે એક સાંસદની હાજરીમાં રજિસ્ટર લઈને ફરી રહ્યા છો. સાથેજ તેમણે એવું પણ કીધું કે સરકાર લાંબા સમય સુધી નથી હોતી આ સરકાર પણ બદલાઈ જશે. પરંતુ તમારે 20 વર્ષ હજુ નોકરી કરવાની છે. અધિકારી છો તો તમે સંવિધાનને અનુસાર કાર્ય કરો અધિકારી કોઈ પાર્ટીના નથી હોતા.
પાર્ટીમાં જોડાવાની સલાહ
સમગ્ર મામલે સાંસદ પીપી ચૌધરીએ એવું પણ કહ્યું કે તમે આમારી સર્વિસને અંડરએસ્ટીમેટ કરી છે. અમારી સર્વિસ એવી નથી. સાથેજ તેમણે કીધું કે તમારી નિષ્ઠા કોઈ પાર્ટી પ્રત્યે છે કે શુ? આટલું બોલ્યા બાદ સાંસદે એવું નિવેદન પણ આપ્યું હતું કે જો ચપ્પલ ચાટવાના આટલાજ શોખ હોય તો નોકરી છોડીને પાર્ટી જોઈન કરી લો
કલેક્ટરે SDMને સસ્પેન્ડ કરવાની વાત કરી
ઉલ્લેખનીય છે કે સમગ્ર મામલે કેલક્ટર હિમાંશું ગુપ્તાએ એવું કહ્યું કે આવા લોકોને નૌકરીમાં રાખવાનો કોઈ અધિકાર નથી. આમને નોકરી પરથી હટાવી દેવામાં આવશે. સાથેજ તેમની સામે તપાસ પણ કરાવામાં આવશે. આ મુદ્દે સાંસદ પીપી ચૌધરીએ એવું કહ્યું કે પુરી તપાસ ન થાય ત્યા સુધી સસ્પેન્ડ કરવામાં આવે. તે સમયે એસડીએમ માફી માગતા નજરે પડ્યા હતા.