ભાજપના સાંસદ રાજેશ ચુડાસમાના સંબોધનનો વીડિયો વાયરલ થયો છે. જેમાં ગત વિધાનસભા ચુંટણીમાં સાતે સાત વિધાનસભા બેઠક પર હારવાનો કાળો દાગ મારા પર છે. આથી આગામી ચુંટણીમાં હવે આવી ભૂલ કરશો નહીં તેવું સંબોધન કરતા હોવાનું વિડીયોમાં નજરે પડે છે.
7 વિધાનસભા બેઠક પર હારવાનો કાળો દાગ મારા પર છે: ચુડાસમા
2017ની વિધાનસભા ચૂંટણીમાં ગીર સોમનાથ જિલ્લામાં ભાજપના ખરાબ પ્રદર્શનને લઈ જૂનાગઢના સાંસદ રાજેશ ચુડાસમાનું દર્દ છલકાયુ હોવાનું સામે આવ્યું છે.આ અંગેનો ભાજપના સાંસદ રાજેશ ચુડાસમાના સંબોધનનો વીડિયો વાયરલ થઈ રહ્યો છે જેમાં તેઓ આક્રોશમાં જોવા મળી રહ્યા છે અને સમાજને વેધક ટકોર કરી રહ્યા છે. ગીર સોમનાથના એક કાર્યક્રમમાં સભાને સંબોધતા તેમણે કહ્યુ હતુ કે, 2017માં 7 વિધાનસભા બેઠકો પર હારવાનો કાળો દાગ મારી પર લાગ્યો છે. સમાજમાં મજબૂત નેતૃત્વ ઉભુ કરવાની જરૂર છે તેવી તેમણે પોતાના સમાજને ટકોર કરી હતી. તેમજ તેમણે ભાજપને જીત અપાવવાની અપીલ કરી હતી.
સમાજનુ મજબૂત નેતૃ્ત્વ ઉભુ કરોઃ ચુડાસમા
જૂનાગઢના સાંસદ રાજેશ ચુડાસમાં ગીર સોમનાથ ભાજપના ઉમેદવારના પ્રચાર માટે પહોંચ્યા હતા. જ્યાં ભાજપ ઉમેદવારના કાર્યાલયના પ્રારંભમાં 2017માં બેઠકો હારવા મુદ્દે રાજેશ ચુડાસમાનો આક્રોશ સામે આવ્યો હતો. આ વેળાએ તેઓ સમાજને નેતૃત્વ આપવાના નામે અક્રોશ સાથે ધમકી ભર્યા અંદાજમાં મત આપવા આપીલ કરતા જોવા મળ્યા હતા.