ખળભળાટ / કોરોનાગ્રસ્ત કનિકાની પાર્ટી બાદ આ દિગ્ગજ નેતા લોકસભા અને રાષ્ટ્રપતિ ભવન પણ ગયા હતા

• કનિકા કપૂરની પાર્ટીમાં ગયા હતા દુષ્યંત સિંહ 
• રાષ્ટ્રપતિના સમારોહમાં પણ સામેલ થયા હતા દુષ્યંત સિંહ 
• હાલ સેલ્ફ આઈસોલેશનમાં છે દુષ્યંત સિંહ 

રાજસ્થાનના પૂર્વ મુખ્યમંત્રી વસુંધરા રાજેના પુત્ર આ પાર્ટીમાં સામેલ થયા બાદ 18મી માર્ચે રાષ્ટ્રપતિ ભવનમાં આયોજિત સમારોહમાં હાજર રહ્યા હતા. એક તસવીરમાં દુષ્યંત સિંહ રાષ્ટ્રપતિની પાછળ ઉભેલા દેખાય છે. જોકે રાષ્ટ્રપતિએ તેમનાથી હાથ મિલાવ્યો ન હતો. 

સ્વાભાવિક છે કે દુષ્યંત સિંહ આ સમારોહમાં ઘણા બીજા સાંસદો સાથે મળ્યા હતા. લોકસભામાં તેમની બાજુમાં બેઠેલા નિશીકાંત દુબે હાલ આઈસોલેશન વોર્ડમાં છે. જે બાદ હવે ટીએમસીનાં સાંસદ ડેરેક ઓ બ્રાયને સંસદ સત્રને સ્થગિત કરી દેવાની માંગણી કરી છે. 

નોંધનીય છે કે કનિકા કપૂરની પાર્ટીમાં વસુંધરા રાજે અને તેમના પુત્ર સામેલ થયા હતા. હાલ આ બંને નેતા સેલ્ફ આઈસોલેશનમાં છે. વસુંધરા રાજેએ કબૂલાત કરીકે તેમના પુત્ર હાલમાં જ એક ડીનરમાં પણ સામેલ થવા ગયા હતા. કનિકા કપૂર કોરોના વાયરસથી પીડિત છે તે સમાચાર આવ્યા બાદથી તે સેલ્ફ-આઈસોલેશનમાં છે.