રાજસ્થાન / VIDEO : ધારાસભ્ય ગાય લઈને વિરોધ કરવા પહોંચ્યા, તો ગાય જ ભાગી ગઈ, પકડવા પાછળ દોડ્યા

• લંપી બીમારીને લઈને ગેહલોત સરકાર સામે વિરોધ
• ભાજપના ધારાસભ્ય ગાયને લઈને વિધાનસભા પહોચ્યા
• અચાનક ગાય ધારાસભ્યના હાથમાંથી દોરડું છોડાવી ભાગી

સોમવારે રાજસ્થાન વિધાનસભાની બહાર એક વિચિત્ર દ્રશ્ય જોવા મળ્યું હતું. લંપી બીમારીને લઈને ભાજપના ધારાસભ્યો ગેહલોત સરકાર સામે વિરોધ કરવા આવ્યા હતા. આ દરમિયાન ધારાસભ્ય સુરેશ રાવત લંપી પીડિત ગાયને લઈને વિધાનસભા પહોચ્યા હતા. અચાનક જ ધારાસભ્ય પાસેથી દોરડું છોડાવીને ગાય ભાગી ગઈ હતી.

पुष्‍कर से भाजपा विधायक सुरेश सिंह रावत एक गाय लेकर राजस्‍थान विधानसभा पहुंचे, शोर-शराबे के बीच बिदक कर भागी, पकड़ने के लिए नेताओं ने लगाई दौड़ pic.twitter.com/y495moRzIG

— Amrit Vichar अमृत विचार (@AmritVichar) September 19, 2022

ગાયમાતા સરકાર પાસે જવા નથી માંગતી
મીડિયા રિપોર્ટ્સ અનુસાર, ધારાસભ્ય અને અન્ય લોકો પણ ગાયને પકડવા માટે દોડ્યા હતા, પરંતુ ગાય કોઈના હાથમાં આવી ન હતી. મીડિયા સાથે વાત કરતા ધારાસભ્ય સુરેશ રાવતે પણ ગાયને ભાગવાને લઈને સરકારને ઘેરી હતી. તેમણે કહ્યું કે ગાય માતા પણ સરકારથી નારાજ છે, એટલા માટે તે વિધાનસભામાં આવવા નથી માંગતી. એટલા માટે તે અહીંથી જતી રહી છે.

ગાય માતા ભાજપથી નારાજ?
સાથેજ ધારાસભ્યને જ્યારે પૂછવામાં આવ્યું કે શું ગાય માતા ભાજપથી નારાજ નથી? જે લોકો લંપી રોગ પર શાંત બેઠા છે, ત્યારે ધારાસભ્યએ સ્પષ્ટતા કરીને કહ્યું કે તેઓ સતત ગૌસેવા પણ કરી રહ્યા છે અને ભાજપના દરેક ધારાસભ્યએ ધારાસભ્ય ભંડોળમાંથી 10 લાખ રૂપિયા પણ આપ્યા છે. આ લઈને ભાજપ એક મોટું પ્રદર્શન પણ કરવા જઈ રહ્યું છે.