BJPના ધારાસભ્યોને Whatsapp પર મળી ધમકી માંગી 10 લાખની ખંડણી

નવી દિલ્હી: ઉત્તરપ્રદેશમાં એક ચોંકાવનારો કિસ્સો સામે આવ્યો છે. આ કિસ્સાથી સનસની ફેલાઇ ગઇ છે. BJPના છ ધારાસભ્યો સહિત આઠ નેતાઓને એક જ નંબરથી Whatsapp મેસેજ કરીને 10 10 લાખ રૂપિયાની ખંડણી માંગવામાં આવી છે. ત્રણ દિવસમાં જો રૂપિયા નહીં આપે તો પરિવારને મારી નાંખવાની પણ ધમકી આપવામાં આવી છે. દરેક નેતાઓ પાસેથી ખંડણી માંગવામાં એક જેવી ભાષાનો ઉપયોગ કરવામાં આવ્યો છે. પોલીસ એ નેતાઓને સુરક્ષા આપતાં તપાસમાં લાગી ગઇ છે. તપાસમાં એટીએસ અને એસટીએફને લગાવવામાં આવી છે. 

દરેક ભાજપના નેતાઓને +1(903)329 4240 નંબરથી વ્હોટ્સઅપ મેસેજ કરવામાં આવ્યો છે. એમાં લખ્યું છે 'હું છું અવી બુદેશ ભાઇ. જો તમે તમારા પરિવારની સુરક્ષા ઇચ્છો છો તો ત્રણ દિવસની અંદર 10 લાખની વ્યવસ્થા કરો. મને ખબહ છે કે તમે પૈસાની વ્યવસ્થા ત્યાં સુધી નહીં કરો જ્યાં સુધી તમારા પરિવારનું એક મૃતક શરીર જોશો નહીં. અમે વચન આપીએ છીએ કે ત્રણ દિવસ બાદ એક એક કરીને હત્યા કરવાનું શરૂ કરી દઇશું. તમારી પાસે માત્ર 3 દિવસ છે. મારો માણસ તમારી નજીક છે. સમય બરબાદ ના કરો.'



જો કે એક ધારાસભ્યે જણાવ્યું છે કે નંબરથી મેસેજ આવ્યો એ અમેરિકાના ટેક્સાસ શહેરનો છે. ધમકી આપનાર અલી બુદેશ દુબઇનો માફિયા છે અને આંતરરાષ્ટ્રીય આતંકવાદી દાઉદ ઇબ્રાહ્મિનો ગુર્ગા છે. ત્રિવેદીના દાઉદના ઇશારા પર જ ખંડણી વસૂલવાની આશંકા વ્યક્ત કરી છે. આ મામલે મુખ્યમંત્રી યોગી આદિત્યનાથે ધારાસભ્યોને ફોન પર મામલાની જાણકારી લઇને કાર્યવાહીનું આશ્વાસન આપ્યું છે.