કેન્સરથી લડી રહેલી સોનાલી બેન્દ્રેને BJP ધારાસભ્યએ આપી દીધી 'શ્રદ્ધાંજલિ'

મુંબઇ: મહારાષ્ટ્રના ભાજપ ધારાસભ્ય રામ કદમે પાર્ટી માટે મુશ્કેલીઓ ઊભી કરી દીધી છે. છોકરીને ભગાડવમાં મદદ વાળા નિવેદન બાદ હવે એમને બીજું એક આપત્તિજનક કામ કર્યું. એમને બોલીવુડ અભિનેત્રી સોનાલી બેન્દ્રેને ટ્વિટર પર શ્રદ્ધાંજલિ આપી દીધી. જ્યારે સોનાલી કેન્સરની સારવાર કરાવી રહી છે. 



ધારાસભ્ય રામ કદમને વોટ્સએપ પર એક મેસેજ મળ્યો હતો જેમાં લખ્યું હતું કે 'હિંદી અને મરાઠી સિનેમા પર રાજ કરનારી અને બધાની ચાહીતી સોનાલી બેન્દ્રે નથી રહી.' આ મેસેજને એમને ટ્વિટર પર શેર કરી દીધો સાથે જ શ્રદ્ધાંજલિ આપી દીધી જેનાથી તેઓ ટ્રોલ થઇ ગયા. બાદમાં એમને ટ્વિટ ડિલીટ કરતાં લખ્યું 'સોનાલી બેન્દ્રે માટે આ અફવા હતી. હું એમના સારા સ્વાસ્થ્યમાં જલ્દીથી સુધારો થાય એવી પ્રાર્થના કરું છું.'

About Sonali Bendre ji It was rumour . Since last two days .. I pray to God for her good health & speedy recovery

— Ram Kadam (@ramkadam) September 7 2018

ઉલ્લેખનીય છે કે સોનાલી હાલ હાઇ ગ્રેડ કેન્સર જેવી મોટી બિમારીથી લડી રહી છે. એની ટ્રીટમેન્ટમાં કિમોથેરાપીના કારણે એને એના વાળ નિકાળવા પડ્યા.